خروجات

أزاي تخرج في أحلى أماكن القاهرة بـ50 جنية بس

إسراء الطيب

أول حاجة بتيجي في بالك مجرد ما حد من صحاب يقول يلى نخرج، الفلوس، وهتكلف قد اي ومعاك كام، ولو فيها خروج وأكل يبقى كده خربت ومش هتعرفوا تتبسطوا، لكن في أماكن لسه تقدر تخرج فيها بميزانية 50 جنيه أو أققل كمان ومش بس للفسح والأكل كمان للعب، تعالى نشوفها حاجة حاجة أماكن معروفة وأماكن تانية الزحمة فيها أققل شوية.

محمية وادي دجلة

المحمية تذكرتها مش غالية وفي جوه أنشطة مختلفة وتصنيع أدوات واكسسوار غير طبعا انها محمية يعني هتشوف فيها رحلة مختلفة تماما مع حيوانات قربت تنقرض.

 

جزيرة المعادي

الجديد بقى تعبت من كل الزحمة دي عايز خضرة ومية ودماغ رايقة يبقى جزيرة المعادي من التحرير تركب ميكروباص المعادي وقوله نزلني جزيرة المعادي، هتدفع تمن التذكرة وممكن لو حبيت تشرب حاجة جوه واقعد من الصبح لحد ما تقول يا بس وكله بتذكرة واحدة. 

برج القاهرة  ومركز شباب الجزيرة

مش قادر تروح المقطم اتمشى من التحرير للاوبرا وروح برج القاهرة بعد ما تتفرج على كوبري قصر النيل واطلع شوف مصر من فوق واتفرج على أحلى غروب بعدها تقدر تنزل تقعد في مركز شباب الجزيرة او دار الاوبرا واشرب اللي تحبه وروح وجيبك لسه فيه مش ااقل من 20 جنيه.

حديقة الجزيرة عند كوبري قصر النيل

لو حابب تغير شوية بعد ما تنزل من البرج ممكن تدخل حديقة الجزيرة دي جو تاني كأنك قاعد في وسط النيل وروسم دخولها 5 جنيه بس واشرب حاجة وروح زي الملك.

 

1980 وأنت طالع في الهوسبار

روح اتفرج على مسرحية 1980 واحدة من أحسن المسرحيات الشبابية خلال السنة وواخدة رفيو أكتر من 90%، مسرحية شبابية وبتتعاد للمرة فوق الالأف تقريبا في مسرح الهوسبار حاليا وكل مرة بيجددوا حاجة في نص المسرحية فتحس انك اول مرة توشفها وفي ناس دخلوا اربع وخمس مرات.

متاحف 

بتحب التاريخ وتتفرج على حاجات غريبة، عندك في مصر متاحف متتعدش، ممكن تروح المتحف الزراعي في الدقي وتشوف فراشات وزرع وعجائب العهد الفرعوني هنا، متحف القوات الجوية في صلاح سالم عند مجمع الجلاء، قصر الأمير محمد علي في المنيل، متحف العلم الحيواني في حديقة حيوان الجيزة، متحف السلاح بقصرعابدين، 

  • الحسين

طبعا معروف من زمن الزمن الخروج هناك والفرجة على المساجد والأثار هناك وشارع المعز، والسندوتشات وغيره، ولو فكرت تأجل الأكل لحد ما تروح ممكن كمان متصرفش حاجة غير المواصلات بس وتروح بباقي الفلوس لخروجة تانية، وممكن برضو تروح تقعد قاعدة حلوة مع صحابك ف زينب خاتون أو قهوة أم كلثوم ومتكلفش غير فلوس اللس هتشربه واللي مش كبيرة أو عن أي كافية عادي.. 

الازهر 

وأنت خارج من الحسين ممكن تكمل للأزهر أنت ناسي إنك مصرفتش لسه في الحسين وممكن كمان تاخد صحابك وتطلعي على الأزهر بارك مش هتدفع غير سعر التذكرة اللي هتدخ بيها لعب وتنطيط وتصوير وكورة بتذكرة واحدة ومتفكرش تاكل هناك عشان ممكن متروحش.

السلطان حسن والقلعة 

 لو ليك في التصوير والفرجة على الأثار والتحف والمعمار القديم عليك وعلى القلعة وقبل ما تطلع على القلعة هتلاقي في ميدان السيدة عيشة تحفتين من الفن الإسلامي بيبداو بمدخل مسجد السلطان حسن بعدها اطلع على القلعة ومسجد محمد علي وعيش رحلة جديدة للزمن لورا   

المقطم

معجبكش اللي عدى وبتدور على فصلان من الزحمة والناس اركب من التحرير اي اتوبيس رايح المقطم ب2جنيه ونص واروح اقعد في اعلى حتى معاك ترمسك ولبك وتسالي بتاعتك وافصل عن العالم كله والدوشة وشوف الغروب ومصر كلها من فوق. 

سينما وسط البلد حفلات الصباحية

ليك في الأفلام وحابب تغير السينما اسعارها غليت عارفين بس لسه سينمات وسط البلد أسعارها مبتعديش الخمسين ولو فكرت توفر اكتر ممكن تحضر حفلة الصبح او وسط اليوم بتكون اوفر من بليل.

تركب مركب في النيل

مبتحبش الاثار وملكش في الأفلام ومش حابب المقطم يبقى ممكن تروح بقى تاخد ساعة في النيل في الفترة اللي قبل الغروب كده وتروح بدري سيكة عشان تلحق المركب تطلع قبل الغروب وتنبسط باحلى أشعة شمس بتحضن النيل في الدنيا. 

 

شير