الحياة الشغل

أزاي تكسب مديرك ب 5 حيل؟

إسراء الطيب

الصعوبة الحقيقة في الشغل مش دايمًا بتكون نوعية الشغل أو الضغط اللي بتتعرض ليه في الشغل، أحيانًا بيكون اللي بتتعامل معاهم في الشغل، وفي أول الناس دي مديرك، لأن زي ما في مدير فاهم وعارف يستغل طاقتك صح من غير ما يهلكك ويطلع أحسن ما عندك، في مديرين بيمشوا بمبدأ يعصرك عشان تجيب اخرك وبعدين يجيب غيرك لما تكون أنت خلاص أتدمرت ومبقتش طايقة ولا طايق المكان.

عشان منوصلش للمرحلة التانية دي ممكن نعمل أي بقى، ممكن نفكر إزاي نخلي مديرنا يحبنا أو نكسب ثقته بمعنى تاني، وبدل ما يرخم عليك يكون واثق إن شغلك هو اللي هيتكلم عنك وتتحول زي ما بيقولوا كده في الأمثال الفرخة الكشك، لكن كل ده عشان يحصل لازم كام حاجة كده .. 

خليك بتاع شغل مش دلع

لما تنفذ شغلك على أكمل وجه، ومتسبش فرصة لغلط يتمسك عليك، هنا هتتحول من مجرد موظف، لموظف فاهم شغله وده بيتقدر من المديرين وأصحاب المكان كمان، لآنك بتكون شخص يعتمد عليه من الأخر.

تعالى في معادك

بيفرق جدًا لما تيجي متأخر عند المسؤول لأن ده بيعكس عدم اهتمام وتقصيرك في الشغل، أما لما تيجي في معادك وتلزم بالشغل هنا أنت بتكسب بنط الالتزام  

حاول تشوف اي بيرضيه بس متتمحلسش

خليك ذكي ولماح شوف الحجات اللي بيحتاجها ونفذها قبل ما يطلبها خلي تفكيرك حاضر وعقلك شغال زي الساعة وده هيلفت انتباهه قد إنك مش زي غيرك ويديك بنط التميز

سلم شغلك بدري عن معادك

إنك تكون أول واحد بيخل شغله وبيعمله زي الكتاب ما قال ده بيخليك أحسن موظف عنده لآنك مش بتحطه في موضع حرج ولا بتخلي رقبته زي السمسمة قدام مديرينه هو، وهنا بتكسب بنط الثقة.

حاول تكون حلال العقد

إنك تكون عارف كل حاجة في الشركة وتقرأ عن حاجات كتير ده بيخليك حلال العقد بتاع الشركة وده موظف متعرفش الشرة تستغنى عنه لآنها بتحتاجه في كل ساعة وبتعتمد عليه كليا. 

شير