Studio

أسهل 5 طرق لكسر الملل وأنت قاعد في البيت

إسراء الطيب

قاعدة في البيت والملل قتلك خلاص مش لاقيه حاجة تعمليها، اتفرجتي على كل المسلسلات والأفلام في التلفزيون، خلصتي الشقة وأكلتي الأولاد وجهزتي الغداء مفيش حاجة وراكي ومش عارفة تشغلي وقتلك بأي؟ بسيطة تعالي نفكر مع بعض إزاي تستغلي وقتك الفاضي أحسن استغلال، ده لو مفيش فرصة إنك تخرجي لآن أسهل حاجة لكسر أي ملل هي الخروج في فسحة حلوة أو مكان جديد، لكن لو مفيش فرصة لآي حاجة من الكلام ده ممكن تعملي أي؟

لو غاوية تسالي

شوفي نوعية الدراما اللي بتحبيها ومن اليوتيوب شوفيلك مسلسل كوري أو هندي أوتركي، ولو بتميلي أكتر لجو تحليل القضايا والقوى الخارقة يبقى خليكي في الأجنبي، هاتي من الحلقة الأولى وانبسطي.

 

لو غاوية استثمار للوقت

ابدأي تدور على الحاجة اللي حبه تتعلميها وشوفي أي الكورسات المتاحة ليها على الأنترنت بتكون متقسمة ما بين 20 ساعة و50 ساعة متقسمة على فترات طويلة وحسب شغفك بالكورس نفسه.

اتعلمي حاجة جديدة يدوية

الأفكار اللي بنفذها بإيدينا بيكون ليها متعتها الخاصة وبتاخد من تركيز عقلنا وأجسامنا وعينيا وبتكون ليها حالة كده من الشغف وفرحة الإنجاز.

لو ليكي في السينما 

في مواقع كتير بتنزل الأفلام العالمية كلها وهي حتى لسه معروضة في السينما وتقدري تتدخلي كده بشوية صبر تشوفي أحدث أفلام الممثلين اللي بتحبيهم وتتفرجي وتودعي أي ملل، ووصلي الموبايل بالتلفزيون واعملي سينما ليكي في البيت.

ودعي الطاقة السلبية

الملل بيعمل ميكس كده سخيف من الفراغ والكآبة بيفكرك بكل حاجة زعلتك على وجه البشرية ويخليكي تنهاري، فكي شعرك وشغلي مزيكا عالية اقفلي الباب واتجنني ارقصي اتنططي، طلعي الطاقة السلبية اللي جواكي كلها كأنك بتنطي للقمر في السما وبتسيبي كل حاجة على الأرض طيري من الإنبساط واشغلي وقتك باكتر حاجات بتحبيها.

 

شير