المشاهير ليه 2017

أعلى الإيرادات العالمية في سينما 2017

إسراء الطيب

2017 كانت سنة حلوة لناس ووحشة لناس، ولناس تالتة كانت حلوة وبزيادة جدًا، وأغلب الناس اللي شغلها في هوليوود، لأنها رفعتهم من مكان لمكان تاني خالص وخلتهم على قمة أغنياء العالم، لآن أفلامهم كسرت التوقعات كلها ووصلت بيهم لملايين الدولارات وفي منهم كمان كان قرب يوصل للمليار وجزء تالت عدى المليار دولار وربع..

الأرقام السنة دي مش بس كانت حلوة على الممثلين لا كمان للشركات المنتجة نفسها اللي بتكمل كسر كل التوقعات زي شركة ديزني ومارفيل استوديو، اللي مكملين في إنتاج أفلام غير عادية وخيالية تجذب انتباه الجمهور.

ومن الأفلام اللي عدت الـ500 مليون دولار في تاريخ السينما، فيلم “المنتقمون” 2012، و”الرجل الحديدي” 2013 ، و”المنتقمون: عصر أولترون” 2015 و”كابتن أمريكا: الحرب الأهلية” 2016 .

Beauty and the Beast.. مليار و200 مليون دولار 

فيلم الجميلة والوحش هو قمة الإيرادات ووصل إجمالي إيراداته لآكتر من نصف مليار دولار في أمريكا بس وعدى المليار دولار كمان كإجمالي إيرادات في العالم كله وكان فاضله حاجة بسيطة ويدخل على ربع مليار فوقيهم، رغم إن الفيلم هو تكرار لنفس القصة الاصلية لكنه اتعمل بروح ومزيكا واتقان من إيما واتسون خلاها نجحت جدا فيه، وكانت ذكية كفاية وحددت إن ليها نسبة من إيرادات الفيلم مش بس أجرها وده خلالها من أعلى الممثلات أجرًا في 2017.

Wonder Woman.. 821.7 مليون دولار 

الفيلم يعتبر برضو تكرار لقصة المرأة الخارقة اللي جيه من جزيرة الأمازونيات عشان تحارب قوى الشر وإله الحرب، وده موجود بالفعل في قصص الرسوم المتحركة في أمريكا زي ميكي موس عندنا، لكن المجازفة الحقيقة كانت إضافة بطل جديد لسلسة أبطال مارفيل ويكون البطل ده ست مش راجل.

Spider-Man:Homecoming.. 880.1 مليون دولار

حقق فيلم  سبايدر مان بعد أقل من ثلاثة أيام من عرضه في السينمات رقم قياسي ضمنه مكانه قمة الإيرادات العالمية لآنه حقق  117 مليون دولار في أمريكا   و 257 مليون دولار في العالم ووصفه النقاد أنه أفضل فيلم عن  قصة سبايدر مان من  2004، وقدر الاجمالي بتاعه يوصل لحد 880.1 مليون دولار.

Guardians of the Galaxy Vol. 2.. 863.8 مليون دولار 

الفيلم هو الجزء التاني من فيلم حراس المجرة ، وقدر يوصل للقب أقوى أفلام مارفيل استوديو لآنه الفيلم الوحيد فيهم اللي قدر يحقق نص مليار في أول أسبوعين من عرضه، ومخرج الفيلم جيمس جون بيخطط فعلا للجزء التالت منه.

 

Despicable Me 3.. مليار دولار عالميًا

هو تاني فيلم في القايمة يقدر يعدي المليار دولار إلا أن يفضل فيلم الجميلة والوحش هو اللي في قمة المنافسة لآنه حقق مليار و200 مليون دولار أمريكي وقعدت في السينمات العالمية لاكتر من 11 أسبوع متواصل بإقبال عالمي.

شير