عجائب وغرائب

أغرب الفنادق في العالم أحدهم في الطيارة والأخر تحت البحر !

إسراء الطيب 

اللي بيحب السفر دايما بيحب يدور على الجديد، مش بس في البلد اللي رايح ليها لا كمان في المكان اللي هينزل فيه، ودي ميزة استغلها كتير من أصحاب الفنادق في العالم، وبدأوا يدوروا على أفكار جديدة تخلي السياح تروح عليهم على طول بل وتروحلهم كمان مخصوص.

في كل بلد في العالم ممكن تلاقي حاجة أو اتنين من البلاد اللي قدر أصحاب الفنادق فيها ينفذ المبدأ ده أو يعمل حاجة محدش غيره عملها، وفي منهم الفندق بكون أوضة أو أوضتين بس، وفي أماكن تانية بتوصل ل10 اوض على حسب الفكرة المجنونة اللي نفذها.

أوضة الكهف

أكتر حاجة بتميز المكان إنك بتحس بوجودك في قلب كهف فعليًا لآنها مبنية وسط الصخور ومحفور كل جزء جواها في قلب الصخور الضخمة بلمسات مختلفة وفريدة من نوعة بدقة تجمع بين التكنولوجيا والعصور البدائية. 

أوضة الجليد

مش سهل إنك تلاقي راحتك وسط البلاد اللي درجة الحرارة فيها مبتطلعش فوق الصفر، لكن الفندق ده قرر يكسر القاعدة بتنفيذه فندق على أحدث الصيحات العالمية وسط التلج ويجذب الانتباه ليه من أبعد النقط التلجية. 

أوضة الطيارة

قدر فريق كوستا فيرد ينقل ويجدد الطيارة بوينغ 727 خمر طراز 1965 وعمل منها جناح فندقي متكون من غرفتين بس على ارتفاع 50 قدم من الارض واللي جذب السياح ليه اكتر أن كل حاجة في الفندق معمولة بشكل يدوي.

أوضة قلب البحر 

إنك تنام وتفتح عينك تلاقي السمك حواليك من كل مكان أن حلم الطفولة يتحقق وتتحول سمكة في قلب البحر عايش معاه، وكل الفندق يكون ازاز مخليك بتتمشى في قاع البحر في مغامرة متتنسيش.

الأوضة الجبلية

هو واحد من أفخم الفنادق وأغربها إنه نقل كل اللي أي سايح يتمناه لقلب الجبل من سبا وحمام سباحة وتكنولوجيا وكل ده في الجبل بعيد عن أي دوشة ممكن تعدي عليك او تعكر صفو اجازتك.

شير