الترفيه

أكتر أماكن ممكن تفرغ فيها طاقتك السلبية

إسراء الطيب

خلاص جبت أخرك من كل حاجة، بقيت بتتعصب على أقل حاجة، مش طايق حد ولا طايق كلمة ولا حتى حد يلمسك، وصلت خلال ومش عارفة تتعامل مع الناس من كتر ما أنت مضايق وتعبان، طب فكرت ممكن تفرغ كل شحنة الغضب اللي جواك ازاي أو فين.

في العادة بتغلط ونفرغ غضابنا في الناس اللي بنحبهم لكن ده مش صح، لأن ده بيخلينا عرضه إننا نخسر بعض، وده مش صح، لكن على الجانب التاني في كتر من طريقة ممكن تفرغ كل اللي جواك من غير ما تزعل حد منك، تعالى نشوف كده كام طريقة منهم وشوف اللي تنفعك.

Unleashed

المكان ده معمول مخصوص عشان تروح تكسر وتبوظ وتفجر أي حاجة قدامك من غير ما تضايق إنك بوظت حاجة غالية عندك في البيت أو تزعل إنك شخص مدمر لحجات سليمة، فكرة المكان ببساطة إنك بتروح تلبس بدلة حماية معينة وتاخد أدوات معينة تكسر بيها وتدخل اوضة في ازاز فازات قديمة تلفزيونات قديمة حجات ينفع ترزع فيها براحتك، صوت لآعلى ما عندك خرج كل اللي جواك محدش هيقولك بتعمل أي لآنهم كلهم زيك محتاجين يتنفسوا.

gravity code

ده مكان تاني مختلف حبه معتمد على التنطيط بتنط لأعلى ما طاقتك توديك وتصرخ وتفرح وترجع طفل من جديد وتنسى كل همومك وتقولها باي باي من الأخر اتحدى الجاذبية واتحدى اي حاجة بتشدك للأرض عشان تقع.

تركب مركب في النيل

زي ما في ناس بتجلها الراحة بالتكسير في ناس بتستريح لما تقعد يوم كامل قدام البحر النيل، زي ما تحب، أهرب من دوشة الناس وإدي نفسك فرصة تسمعها، اجر ساعة بمركب في النيل الساعة اللي قبل المغرب والشمس ماشية وهي بتختفي اخفي معاها كل اللي بيوجعك وارجع تاني لنفسك.

War PlayStation And Cafe

 المكان في عباس العقاد مدينة نصر، هو ميكس كافية عادي للناس اللي ملهاش في الألعاب، واللي ليه في البلاي ستشن، هيلاقي ليفل تاني من اللعب بأجهزة ونضارات اللي بتتلبس على العين تحس إنك بقيت كائن فضائي، المكان بيوفر برضو الألعاب التقليدية بتاعت القهوة زي الطاوله و الدمينو و الكوتشينة  يعني مش هتحس إن ناقصك حاجة من القهوة، وهو متقسم 6 غرف ، وأكبر واحدة فيهم تكفي لحد 8 أفراد كل غرفة فيها شاشة بلازما HD (50 بوصة) وجهاز بلاي ستيشن 4 

لو منفعش معاك كل اللي فوق اجري، أه اجري على قد ما تقدر لحد ما رجلك مش تشيلك لحد ما توصل لمكان فاضي، واصرخ بأعلى صوتك، عيط فرغ كل اللي جواك.

شير