الحياة المدرسة

أكتر حاجات كانت بيخوفوك بيها لو مروحتش المدرسة

إسراء الطيب

كل بيت مصري أصيل كان عنده كام  معتقد كده لحاجات بيرعبوا بيها الأطفال لو مفكروش يسمعوا الكلام، لو حاولوا يدلعوا وميرحوش المدرسة ، فكروا ميسمعوش كلا مامتهم، أو يعملوا أي تصرف غلط.

كبرنا وفضل لسه خرافات كتير منها مكملة مع الأجيال الجديدة ومنها اللي بقى مفقوس خلاص والعيال مبقاش سهل يضحك عليها بل العكس بقوا يضحوا على أهلهم كمان، ومن أشهر المخوفات دي كان..

أبو رجل مسلوخة

الشخصية الاسطورية المرعبة والمقولة الشهيرة” ” هجبلك أبو رجل مسلوخة”، والرعب اللي مبيخلصش بعد الجملة دي والكائن العجيب اللي بياكل العيال الصغيرة واللي مبيسمعش الكلام وغيره وغيره.

أوضة الفران

مشهد رعب بيقلب أوقات كتير على كوابيس إنهم بيهجموا عليك زي النسانيس، اللي في الصورة دي وبيتخانقوا عليك عشان ياكلوك بسنانهم العجيبة.

القطة السودا 

الجن والعفاريت، ورعب الأرواح الشريرة، والشياطين، والخضة مجرد ما تبرقلك وعينها تلمع جامد تحس فجاءة إن قلبك انقبض ونفسك قرب يقف من الخوف.

 السلعوة والعو

هجبلك السلعوة، والعو، اشهر مرعبين مرحلة الابتدائي والحضانة، سلسلة من تعاويذ والحيوانات اللي مش فاهم شكلها اي وقاعد تتخيل الحيوان اللي نصه كلب ونصه تعلب، غير العو بقى اللي ودانه كبيرة وضخمة وعفريت ارضي جايلك مخصوص.

أمنا الغولة

الشخصية المجهولة اللي طالعة من بيت رعب القصص والاساطير، ميكس من مرات ابوسندريلا ، على عفريته المراية السحرية، شعر ابيض ومناخير كبيرة وعايزة تموتك بأي شكل وتعذبك لحد ما تسرح لها شعرها كله وتفضل برضو عايزة تقتلك.

 

شير