خروجات

أماكن للخروجات مش هتصدق إنها في مصر

إسراء الطيب

اتخنقت واتقفلت من تلت أربع أماكن الخروجات والسفر وبقت الفسح عبارة عن أكلة وشكرًا، لا سيبك من كل ده وتعالى ندعبس على أماكن رحلات جديدة في مصر، وازاي ممكن تحول يوم تقليدي ليوم ميتعوضش وتحس إنه عملك ريفرش من ضغط البيت والشغل والدراسة..

مبدائيًا في أماكن غالية ودي مبتترحش في الأغلب غير مرة واحدة وشكرًا وبتكون رحلة يوم أو اتنين بس بتكون تستاهل، وفي حاجات تانية بتكون على قد اليوم وقادرة تعملك ريفرش في السريع، لكن الأهم من الاتنين إنها تكون أماكن جديدة تروح تتبسط وتنسى كل اللي خنقك.

جزيرة طغاغين

الجزيرة تعتبر واحد من أهم أماكن السياحة العلاجية في العالم، غير إن الهدوء والراحلة والبحر والرملة بيعملوا راحة نفسية وجسدية متتوصفش، ومكانها يبعد حوالي  كيلو من القاهرة.

Dragon Boat 

لو بعيد عليك الجزيرة وعايزة حاجة قريبة ممكن تجرب حاجة جديدة لسه معمولة في مصر، وهي تجربة مركب دراجون، للتجديف الجماعي الترفيهي، ومش بيكون شرط إن عندك خبره قبل كده عشان معاك كوتش هياخد 10 دقايق من وقتك يعرف،ـ وهتقعد في الماية حوالي ساعة أي المختلف بينها وبين أي مركب في النيل، إن أنت بتحس إنك في قلب الماية من كتر ما أنت قريب منها ومكانها مش بعيد في النادي المصري للتجديف.

Castle Zaman 

المكان قريب لدهب وطابا تقدر تقول ساعة من دهب تقريبا و10 دقايق بس من طابا، ميزنته إنه بيحسسك إنك رجعت بالزمن لورا، زي اسمه كده قلعة زمان، بس أكتر حاجة بتجذب السياح ليه والمصريين تصميمه الداخلي والخارجي تحس إنك عايش في البحر وسط الطبيعة لآن المكان على البحر على طول حتى حمام السباحة، ومسموحح عادي في بالبوركيني الكامل لكن مش مسموح بالنزول بأي هدوم من خامات مختلفة عن خامة لبس السباحة يعني قطن مثلا ممنوع تمامًا وهكذا، بتروح تقضي يوم كام هناك فطار وغدا وروقان وبيفتح من 12 ل9 مساء 

zip line

ملكش بقى ولا في بحر وحمام سباحة وتجديف، خلينا نروح للجو أحسن والجبال، ليك في الأكشن، طب حابب تجرب تدخل الصاعقة، حبه تجربي شوية من تدريبات الجيش، هتلاقي كل ده والعاب أكشن تانية موجودة في مكان اسمه zip line ملحق بدير سمعان الخراز في المقطم اللي هو لوحده فسحة من جمال تصمميه والدنيا هناك.


 

حديقة الأسرة … Family park

المكان مش جرد مساحات خضرة كبيرة وخلاص وتتمشي لا المكان فيه 3 أماكن ضخمة ألعاب مختلفة، غير المتحف الحربي وحديقة حيوان، وطريقة مش صعب هتلاقيه في أول طريق الرحاب.

شير