حول العالم

أماكن متفوتش زيارتها في 2018

إسراء الطيب

سنة جديدة لسه هتبدأ وخطط كتير بتحاول تحطها على أمل إنك تقدر تنفذها كلها، ومتكسلش وتتحدى نفسك والظروف اللي حواليك، ومن أهم الخطوات اللي كل واحد بيحاول يحققها في سنة جديدة من عمره إنه يضيف لخبرته ولحياته اليومية إنجازات جديدة ومختلفة.

ومن أهم الانجازات اللي ممكن تضاف بتكون ثقافات دول ومدن عالمية جديدة تعرف كل حاجة عنها وتزورها، وبجانب إنها معرفة وثقافة فهي أماكن تتمنى إنك تعيش فيها لأخر عمرك من جمالها والراحة اللي فيها

وتخرج من زحمة الحياة اليومية والروتين والزحمة والناس، وتروح لجمال والطبيعة والتكنولوجيا وحجات كتير اتجمعت في أحدث تقييم لأجمل أماكن في العالم متفوتش زيارتها في 2018.

 Hamburg, Germany

تعتبر مدينة هامبورج مدينة سياحية من الدرجة الأولى،  وفيها كل وسائل الراحة اللي بتدرو عليها عشان تعيش وسطها، بداية إن عدد سكانها مش ضخم، غير إن مساحتها حوالي 755 كيلومتر مربع، وإنها مرتبطة بالبحر بشكل رئيسي، على جانب تاني، هتلاقيها مليانة بالمساحات الخضرا الضخمة، والأشجار والورد والهدوء النفسي في كل مكان يها، أما لمحبين الشوبينج والتكنولوجي فهيلاقوا نفسهم برضو في تجمعات المحلات والكافيهات اللي منتشرة في أجزاء المدينة، غير سحر الطبيعة اللي بينعكس مع الإضاءات وده خلاها خدت تقييم 95% ضمن أفضل أماكن في العالم.

 Melbourne, Australia

مدينة ملبورن الاسترالية صاحبة أعلى تقييم كأجمل مدينة يجب عليك زيارتها، المدينة ببساطة زي صورتها، تعتبر مجمع الفنون المسرحية، وجمال الطبيعة في الوقت نفسه، يعني تقدر تلاقي فيها الهدوء من جانب وجانب تاني فيه النشاط والحركة والسهر، ومساحتها تقريبا 10 الالاف كيلو متر مربع فقط.

Vienna, Austria

فيينا، مدينة الجمال والسحر، حصلت برضو على تقييم 97.4% كأجمل مدينة في العالم على موقع cntraveler، وهي العاصمة النمساوية باستراليا، واشتهرت بالطاقة  وقصورها التاريخية غير المشاهير اللي خرجوا منها زي بيتهوفن وغيره من المتألقين عالميًا.

Vancouver, Canada

فانكوفر، تعتبر المدينة ميناء ساحلي ضخم بيتواصل مع الساحل الكولمبي البريطاني وده بيخليه واحد من أهم المواني في كندا، غير إن المدينة فيها عوامل جذب سياحية مهمة جدًا زي غيرها من مدن كندا، واللي بيميزها أكتر أنها متحاوطة بالجبال والماية ومشهورة بالفن الراقي والمسرح والموسيقى اللي يعتبروا من أوائل اهتمامات أهلها، ووصلت المدينة لتقييم فوق ال97% كأفضل مدينة عالمية.

شير