الجواز الحياة

أمك ومراتك أوعى يلمسوا مع بعض

أمك ومراتك أوعى يلمسوا مع بعض

إسراء الطيب

الكابوس الحقيقي اللي ممكن تعيشه وأنت صاحي لما يحصل ماس ما بين مامتك ومراتك، الكوراث البشرية كلها ممكن تكون كوم، والخناق ما بينهم كوم تاني، لآنك بتلاقي نفسك في النص ولا هتعرف تراضي دي على حساب دي ولا العكس لآنك في الحالتين هتخسر، لكن ممكن لو فكرنا شوية ممكن تجنب نفسك إن الكارثة تحصل وزي ما بيقولوا تمنعها قبل وقوعها لكن ازاي؟

إعلان

اعمل حدود من الأول

حاول من البداية كده تعمل فصل قوات، خلي في حدود واضحة بين مامتك ومراتك، وأن مامتك ملهاش تدخل في بيتك بشكل مش كويس، يعني عايزة تقول أي حاجة ممكتن تقولها بشكل ليذ  أو تقولهالك بينك وبينها من غير ما تسخنك على مرات، والعكس  برضو تعرف مراتك ازاي تتعامل مع مامتك .

أمك ومراتك أوعى يلمسوا مع بعض

شدد على أن أمك خط أحمر

عرف مراتك من قبل الجواز قد أي والدتك خط أحمر مينفعش تقف قدامها ولا تجادل زيادة عن اللزوم معاه لأنها اكبر منها وكمان أمك وعلى قد محبتها ليك على قد ما هتسعى أنها تحترمها وتتعامل باحترام وحذر معاها.

خليهم يحبوا بعض

حاول تحبب الاتنين في بعض ده هيكون كارت النجاة ليك، يعني اتكلم عن الحلو في كل واحدة فيهم قدام التانية خليهم يحبوا بعض، مثلا قول لمراتك أن مامتك زعقتلك عشان مجبتش ليها هدية في المناسبة الفلانية وهكذا.

أمك ومراتك أوعى يلمسوا مع بعض

لمح لكل واحدة فيهم قد أي التانية بتحبها وبتدور على رضاها

كلم مامتك قد أي مراتك كل ما تعرف إن في حاجة بتحبها تقولي تعالي نجبها لماما وهكذا واعمل نفس الكلام مع مراتك خلي الاتنين يحسوا إن في ود ومحبة كبيرة بين الطرفين.

اتفق مع مامتك واعمل حفلة مفاجئة أو هدية كان نفسها فيها والعكس

خلصنا مرحلة الكلام ندخل على مرحلة الفعل بقى، اتفق مع مراتك إنكم تعملوا مفاجأة لمامتك في يوم، وكذلك مع مراتك في وقت تاني، لو قدرت تخلي الأتنين يحبوا بعض، هتبقى أمنت نفسك من أي كوارث مستقبلية.

أمك ومراتك أوعى يلمسوا مع بعض

إعلان