الحياة سينجل

أنواع الحب اللي هتلاقيها في سنة 2018

كل الشباب السناجل بيتمنوا أن السنة الجديدة تبقى سنة أحسن من السنة اللي فاتت، وفي شوية منهم بيدعوا ربنا أنهم يرتبطوا مع بداية سنة 2018، او حتى قبل نهايتها، ودي حاجة بتبقى مهمة لناس كتير منهم، علشان كدا هنحاول نتكلم شوية عن أنواع الحب اللي ممكن تقابلها في السنة الجديدة.

حب من طرف واحد

ده نوع هتلاقي منتشر بين زمايلك، لازم تلاقي واحد صاحبك بيحب في صمت، وبيكراش على حد معين، بس في اغلب الأوقات هتلاقيه بيحب من طرف واحد لأن الطرف التاني بيبقى مرتبط بشاب تاني خالص غيره.

حب الاخوات

دي جملة منتشرة وهتفضل منتشرة على طول، شباب كتير بيتصدموا بيها بعد علاقة فاشلة وبيسمعوها من البنات بعد ما يعترفوا ليهم بحبهم اللي كان.

الحب الحقيقي

 

ودي العلاقة الناجحة أكيد هتلاقيها موجودة عند ناس في السنة الجديدة، هتلاقي ناس كتير من السناجل اللي كنت تعرفهم ارتبطوا وودعوا العزوبية اللي كانوا فيها.

حب المصلحة 

وده موجود عند ناس معينة، هتسمع عنه كتير في السنة الجديدة، هتشوف ناس بتبيع حبها علشان الفلوس والمركز والمصلحة اللي يشوفوها من الطرف التاني.

حب التملك

وده أسوأ أنواع الحب اللي ممكن تقابلها في حياتك، أصحابه بيبقى مرضى نفسيين، لازم يتعالجوا منه، لازم تبعد عنهم لو في يوم قابتلهم علشان تقدر تعيش كويس في حياتك .

شير