بيزنس

لو بتقدم على شغل!! إزاي تنجح في الانترفيو؟

واحنا رايحين نقدم على شغلانة جديدة أكتر حاجة بنبقى شايلين همها هي الأنترفيو , هانقول ايه مش هانقول ايه؟ هانتصرف أزاي؟ ده غير اننا بنحاول نهدي نفسنا ونمسك اعصابنا على الاخر علشان التوتر مش هيتحسب لصالحنا , بنحاول نعمل كل حاجة علشان ننجح في الانترفيو وناخد الشغلانة , احنا بقى جيبنالك مجموعة خطوات لو عملتها هاتضمن نجاحك في الانترفيو بشكل كبير جدا.

 تعالى بدري

علشان تبان واثق من نفسك في الانترفيو حاول توصل لمكان الانترفيو بدري شوية علشان تاخد الاحساس بالمكان وتفرغ كل التوتر اللي جواك وحاول كمان تدخل الحمام قبل الانترفيو علشان تجدد الطاقة اللي جواك.

1

 الأنترنت

ماتحاولش انك تتصفح الانترنت او وسائل التواصل الاجتماعي وانت مستني دورك في المقابلة لانك لما بتحرك ايديك وكتفك فان مستوى “الكورتيزول” بيرتفع واللي بينتج عنه ارتفاع معدلات التوتر.

2

 الضحكة

“الانطباع الاول يدوم” مقولة شهيرة جدا وفي السياق ده في بحث اطلقته جامعة “جلاسجو” البريطانية ان الانسان بيحتاج 10 دقائق علشان يكون انطباعه الاول وعلشان كده وانت داخل الانترفيو يستحسن ترسم ابتسامة بسيطة على وشك.

3

 عادات خاطئة

في شوية عادات كده مش لازم تعملها وانت جوه في الانترفيو زي مثلا انك تهرش في شعرك او ترمش بعينك او تتلفت كل شوية وحاول كمان انك ترخي جسمك تماما وتفرده وماتحنيهوش لان كل الافعال دي بتعكس انك شخصية عصبية ومتوترة.

4

 خليك مستقر

حاول تبقى انسان مستقر من ناحية المشاعر والانفعالات وحاول انك تتحلى بالهدوء والثقة بالنفس.

5

شير
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