خروجات

اتفرج على أجمد افتكاسات المطاعم

إسراء الطيب

معروف عن المصريين عشقهم للأكل لانه شعب بيفهم جدًا فيه وبيقدس جمال وطعامة وخفة الأكلة الحلوة وممكن يسافر لها بلاد زي أكلة سمك حلوة اكلة جديدة وغيره، المهم الفترة الأخيرة بدأت صفحات كتير تتخصص في أكتر المطاعم اللي بتقدم أكل في ابتكارات وافتكاسات جديدة في طريقة التقديم والتنفيذ للأكل بتاعها، وجمعنالكم في التقرير ده أكتر خمس مطاعم ناس كتير اتكلمت عنهم 

Gusto

  هو مشهور جدًا بكفرة المكرونة اللي بتتعمل جوة قالب الجبنة لحد ما يسيحوا مع بعض ويعملوا أحلى طعم، وبرضو مشهورين بالبرجر بتاعهم اللي واخد نفس اسم المكان، واللي بيميز البرجز طريقة تقديمه لما الشيف بيجيبه وبيجي معاه قالب الجبنة يسيحلك منه وينزل على الساندوتش وهو سخن.

Legleisah – لجليسة

المبكبكة في العادي إن دي أكله اسكندرانية أو تبع مطروح والبدو، المرة دي بقت في القاهرة، مع جو خيمة وقاعدة عربي وغيره، الأكلة دي باختصار عبارة عن  

 مكرونة صالصة بتاعتها كتير جدًا وتتقلب المكرونة المقصوصة على النار وفي قلبها اللحمة القطع من نوعين واحد اسمه الشمبري وده الكندوز وواحد تاني وده الضاني.

بقالة السعاده B2alet elsa3ada

ساندوتش عندهم على اسمهم أسمة ساندوتش السعادة بيغير فيه مفهوم الهوت دوج مع الفراخ والمشروم بشكل عام وبيدخل معاهم الرومي المبشور ويطرد الموتزريلا بره عشان يعمل اختراع يا كوتش، غير مكرونة ألفريدو بالصوص الأبيض ودي دماغ تانية لكييف المكرونات.

 

Bell’s

نوصل بقى للاختراع التعامل مع البيض في المطعم ده غير الشكل التقليدي ليه تمامًا بيعيدوا اكتشافه من جديد في مصر بكل الطرق لآنه بيعملوه بأكتر من 10 طرق مختلفة تخليك تحبه حتى لو مش بتاكله، فبينزل  سبانيش اومليت  من غير ولا زيت ولا سمنة ولا اى حاجة بيدخلوا الفرن بطريقة معينة ويطلعلك حاجة  حجمها كبير جدًا وصحية في نفس الوقت.

شير