المشاهير

اتفرج على أفلام رأس السنة 

إسراء الطيب

زي كل سنة الأفلام الأجنبية بيكون ليها الأولوية في السينمات وفي البيوت، لآنها بتهتم أكتر برأس السنة وبتظبط مواعيد نزولها على شهر 11 و12 عشان تحتفل بختام السنة وبداية سنة جديدة.

والسنة دي معانا أجزاء جديدة من أفلام حققت أعلى الإيرادات العالمية، وكمان معاهم الأفلام اللي نزلت خلال الاسبوعين اللي فاتوا ولحقوا ياخدوا أعلى تقييمات عالمية ويعدوا 8.6 وأكتر تعالوا نشوف أربعة من أكتر الأفلام اللي عليها الجدل في السينما العالمية واللي عملت شغل عالي.

Star Wars: The Last Jedi

الفيلم يعتبر أحدث أجزاء سلسلة حرب النجوم اللي شغالة بقالها سنين وبقى ليها جمهور ضخم في العالم كله بالذات محبين عالم الفضاء،  من بداية الالفية ومكملة معانا بجزء جديد، عليه أمال كبيرة أنه يكون فيلم الموسم ويساعدهم ينافسوا على جوايز الجولدن جلوب والأوسكار، وغيرها من الجوايز العالمية اللي بيستناها نجوم هوليوود من السنة للسنة، لكن المرة دي أغلب أبطال الفيلم من الشباب اللي قدامهم فرصة قوية للمنافسة.

الفيلم من إﺧﺮاﺝ: ريان جونسون، ﺗﺄﻟﻴﻒ: جورج لوكاس و ريان جونسون وبطولة مارك هاميل، كاري فيشر، ديزي ريدلي، جون بويجا، آدم درايفر، أوسكار إيزاك

Ferdinand

الفيلم بتدور قصته حوالين ثور ضخم جدًا إلا أنه جواه قلب طيب بيحب كل اللي حواليه إلا أن طيبته الزيادة كانت السبب في توقيعه في المشاكل اللي من ضمنها غلطه في واحد من الحيوانات الشرسة، وكانت النتيجة إنه اتطرد من بلدته واتغرب عن أهله، لكنه اصر يرجع تاني، وعشان يرجع كون فريق مش فاهم حاجة في حاجة عشان رحلة العودة دي.

الفيلم من ﺇﺧﺮاﺝ: كارلوس سالدانها وﺗﺄﻟﻴﻒ: يان ساوثوود وبطولة بوبي كانافال جون سينا، ديفيد تينانت، جينا رودريجز، دانييلا بوباديا، ​كيت ماكينون

Justice League

بيرجع بروس واين يثق في الإنسانية وبيحاول يجمع فريق العدالة للدفاع عن الأرض، ويطلب من حليفته الجديدة الأميرة ديانا مساعدته في مواجهة أكبر عدو على الإطلاق، وتجنيد فريق العدالة للوقوف ضد هذا التهديد، وخاصة بعد أن رفض أكوامان مساعدته في الأول لكن تنجح بعد كده  الأميرة ديانا في إقناعه، فيجتمع كلا من باتمان، المرأة العجيبة، أكوامان، سايبورج، الفلاش لإنقاذ كوكب الأرض من هجوم كارثي.

الفيلم من ﺇﺧﺮاﺝ: زاك سنايدر وﺗﺄﻟﻴﻒ: كريس تيريو و بيل فينجر وبطولة بن أفليك، جال جادوت، هنري كافيل، جايسون مومو، راى فيشر، إيزرا ميلر

Murder on the Orient Express

بيرجع جوني ديب للخروج عن النص بأحدث أفلامه في السينما العالمية، حوالين جريمة قتل على قطار،  فيتدخل المحقق البلجيكي المشهور هركيول بوارو عشان يعرف مين القاتل الحقيقي من ركاب القطر بعد ما اكتشفوا إن الضحية واحد من كبار الأثرياء في أمريكا.

الفيلم من ﺇﺧﺮاﺝ: كينيث براناه وﺗﺄﻟﻴﻒ: أجاثا كريستي و مايكل جرين ويشارك في البطولة كينيث براناه، جوني ديب، ميشيل فايفر، جوش جاد، اوليفيا كولمن، وليام دافو

شير