مصري منوعات

احياء وساعات موتى

أحياء وساعات موتى
مجموعة من المشاهير طلعت اشاعات كتير على مواقع التواصل الاجتماعي عن وفاتهم رغم انهم لسه عايشين .

كلنا شوفنا من يومين الخبر اللي انتشر على مواقع التواصل الاجتماعي بعد اعلان قناة سي إن إن الأمريكية عن وفاة الاسطورة البرازيلية بيليه ، وهو الخبر اللي زود الجدل على الفيس بوك وتويتر لغاية ما اعلنت القناة اعتذارها بعد ما تواصل معاها بيليه بنفسه لينفي الخبر ، والحقيقة بيليه مش اول واحد ولا اخر واحد هتطلع عليه الاشاعة ديه ففي مشاهير قبله كتير اوي طلعت عنهم اشاعات انهم ماتوا ، علشان كدا هنحاول نبين اشهر الناس اللي ماتوا وهما عايشين.

 

 عادل إمام

عادل امام هو اشهر واحد حصل له الموضوع ده اكتر من مرة ، لان كتير من المواقع المغمورة بتحاول تلجأ للخبر ده لجذب انتباه الناس على مواقع التواصل االجتماعي علشان تزيد من انتشارها وديه حيلة بنلاقيها منتشرة كتير على الفيس بوك .

عادل امام

 حسني مبارك

يعتبر الرئيس المعزول هو صاحب الرقم القياسي في عدد الاخبار اللي انتشرت عن وفاته ، فكتير من المواقع والصحف نشرت اخبار عن وفاته بعد ثورة 25 يناير بالذات في الفترة اللي اختفى فيها عن الانظار .

حسني مبارك

 الشحرورة صباح

الفنانة الراحلة صباح طلعت عليها اشاعت كتير بردوا في حياتها فاخبارها كانت تعتبر مادة دسمة للقراء على مواقع التواصل الاجتماعي ، وكانوا بيستغلوا سنها الكبير علشان يكون مادة للسخرية والنكات .

صباح

 بيليه

يعتبر اسطورة كرة القدم البرازيلية بيليه أخر شخص اللي وردت انباء مفبركة عن وفاتهم ، فبعد اعلان خبر وفاته دشن المدونيين على تويتر هاشتاج «بيليه مات» اللي ضم كل تعليقات معجبيه .

بيليه
شير