الجواز الحياة

اخر تقاليع الزواج في مصر

مصر الفترة اللي فاتت حصل فيها عادات غريبة كتير وتقاليع في حفلات الزفاف، كانت سبب في انه يحصل جدل كبير على مواقع التواصل بين مؤيد ومعارض للافكار والتقاليع دي، وهي حاجات ابتدعها شباب علشان يخلوا يوم جوازهم غير اي يوم تاني.

زفة الشاورما

ميدو حامد لاعب نادي حرس الحدود السابق ظهر في حفل زفافه مع عروسته في صورة وهما واقفين ورا عامود شاورما بدل التورتة، وهي صورة اثارت اعجاب ناس كتير على مواقع التواصل.

زفة المترو

باسم ورغدة دول عروسين قرروا أنهم يعملوا زفتهم في محطة مترو الأنفاق بالخط التالت، وهي زفة أثارت جدل كبير على مواقع التواصل .

زفة الموتوسيكل

عروسين احتفلوا بيوز زفافهم بشكل مختلف عن أي طريقة معتادة، دخلوا بالموتوسيكل في قلب القاعة ده غير الأغنية اللي غنوها وهما داخلين القاعة .

زفة على البلدوزر

عروسين من محافظة الدقهلية احتفلوا بزفافهم عن طريق زفة بالبلدوزر، وده موضوع اثار دهشة واستغراب رواد مواقع التواصل الاجتماعي.

زفة العجلة 

عروسة مصرية اسمها ماريز منير كانت بتعشق ركوب العجل، وما بتفوتش فرصة غير لما تمارس الرياضة دي، وانضمت لمجموعة “جو بايك” في بداية تكوينها علشان تستمتع بالعجلة بتاعتها مرة في الاسبوع على الأقل،علشان كدا ماهنش عليها تسيب الهواية دي يوم فرحها فعملت زفة بالعجل.

شير