الترفيه

ازاي التفاهة ممكن تكون السبب في سعادتك وأنت مش عارف

إسراء الطيب 

من أكتر الحجات اللي بتخليك تبان أكبر من سنك هو شيل الهم، والمشاكل اللي بقت تجري وراك بالمشوار وانت فاتحلها بدل الباب خمسة وعشرة، وكل كلمة شايلها على قلبك وتأثر فيك وتكتئب بقى، والدنيا تبقى سودا.

والبنات بقى تتنكد وتضايق لما تاخد الموضوع على نفسها فوشها يبوظ وكله يضرب حبوب وشعرها يقع غير صحتها اللي تكتشف أنها عندها أمراض الدنيا، طب لي خليك تافه، صعبة دي حاول، مالها التفاههه، مالها فهمني كده براحة هيعتبروك مش جد، وماله أحسن ما تموت من الخنقة خليك بارد على قد ما تقدر ومتديش أي مشكلة أكبر من وضعها نفض استجم وريح أعصابك مفيش حد باقيلك غير صحتك وتجنب أي حد بيضايق على قد ما تقدر أهرب بجلدك، وهكذا، طب نفكر مع بعض ازاي نتحول لتفهين مقبلين على الحياة من غير نكد ازاي يلى بينا..

لما تيجي تتفرج على التلفزيون لقيت الفيلم هيدخل في مود نكد غيره القناة بسرعة وتخيل أنت النهاية اللي تفرحك

لما تلاقي صاحب نكدي ميعرفش غير المشاكل وحياة كلها سودة دايمًا اهرب منه

 

لقيت مشكلة كبيرة بتقع فيها صلي لربنا وبكل هدوء اعصاب حاول تشوف كل الحلول الممكنة

البيت كله خناقات اهرب منهم وسافر يومين اي حته

اقعد قدام البحر كتير هيخليك هادي وعندك شوية صبر وروقان عنب

شير