الترفيه

ازاي تتبسط في الخروجة من غير ما تفكر في الأكل

إسراء الطيب

اتخنقت وجبت اخرك من إن كل خروجة بترسى على أكل وشكرًا على كده، قاعدة نميمة وخلاص، وإن الحياة بقت شغل في شغل ولما بتفكر تخرج يرسى على أكل انت اصلا بتاكله كل يوم في الشغل أو في البيت عادي، فكرت قبل كده ازاي تهرب زنقة الأكل اللي لبست فيها أنت وصحابك،.

الخروجة مش يوم عادي ده اليوم اليتيم اللي بتاخد نفسك فيه وبتفصل فيه عن الكوكب كله فلو قضتها كل أسبوع أكل هيتحول لروتين سخيفزيه زي باقي روتين الحياة، لكنك ممكن تكسر كل ده ببساطة لو فكرت تدور على حاجات جديدة تعملها في اليوم ده ودي خمس أفكار ممكن تساعدك تداعبس على أكتر حاجات ممكن تبسطك

دوروا على أماكن جديدة

الأماكن الجديدة بيكون ليها حلاوتها وبيكون فيها زي احساس النصر بعد معركة طويلة بتدور فيها على التجديد والحاجات الحلوة وبتكون أنت اللي من الأخر اللي وصلت للي غيرك موصولوش. 

جربوا المسرح رجع يحلو من تاني

زمان كان المسرح من أهم الخروجات الحلوة اللي تروح فيها بليل مع خطيبتك أو مراتك او العيلة كلها من غير ما تكون مضايق أو مش مظبط نفسيًا، لأنك ببساطة شايف كل الممثلين قدامك وكلهم بيمثلوا بجد مش من ورا الكاميرات

 

جربوا تسافروا حاجة مدة ساعتين كده

متتخدش هو اه سفر بس مش كل السفر زي شرم ودهب تاخد في 8 ساعات ولا 12 ساعة في حاجات سكة ساعتين وتروح تقعد على البحر وتروق على حالك وتفصل عن الدنيا كلها.

جربوا ألعاب جديدة 

بلاش تكون الصاحب الكئيب في كل قعدة اللي أول ما نقوله نجرب لعبة جديدة أو بلاي ستيشن أو استيمشن، تلاقيه بيقولك بلاش مش هتعجبكوا خليكم فاكرين إني قولت إني مش متفائل.

جمعوا صحابكم وده يبقى إنجاز  تاريخي 

عارفين الصحاب اللي بقالهم سنين كل شهر يبعتوا مسج عايزين نتقابل، صحابك اللي نفسك تشوفهم من أغسطس 2015 ومش عارفة الدفعة اللي مش عارفة تتجمع يوم لو قدرت بقوة خارقة تلاقي يوم يناسبهم كلهم ده هيكون إنجاز ينسيك الأكل والشرب من كتر الانبساط والحب والذكريات اللي هتقعدوا تحكوها سوا.

شير