Studio

ازاي تتحولي من إنك تبقى مليانة لكيرفي في خطوات بسيطة

إسراء الطيب

إنك تكوني تخينة فه ليه أسباب كتير منها الصحي والنفسي والجينات، لكن المهم في الموضوع أي بقى إنك إزاي تتخلصي من التخن ده بالرياضة المستمرة وتنظيم الأكل ولحد ما تقدري توصلي للوزن المثالي لازم تاخدي بالك إنك توصي للجسم المثالي لشكل جسمك يعني لو مليانة شوية وشكل جسمك كمثري هيبقى سهل جدا توصلي لمرحلة الكيرفي بسهولة لو مكنتيش يبقى هتابع مع المدربة بتاعتك في الجيم عشان تقدري تعملي ده وتركزي على التمارين اللي تخسسك من الوسط.

لكن ولا الرياضة والاكل هيخسسك من يوم لليلة كده على طول  بتاخد وقت ولحد ما جسمك يوصل للشكل المثالي ده ممكن نفكر مع بعض في شوية حيل تخلي جسمك يبان إنه كيرفي

بناطيل هاي وسط

لو بتلبسي بناطيل يبقى بلاش البناطيل اللي على الكامر أو الوسط بالظبط الإفضل هنا إنها يكون بنطلون هاي وسط وهيخلي جسمك ياخد شكل الكمثرى بسهولة.

مشجر

بلاش الألوان السادة وبالذات لو فاتحة ابعدي عنها تمامًا، خليكي لو سادة في الغوامق عشان بتخسس، والمشجر حلو، وحاجة تانية مهمة جدًا لو مكنتيش عرفاها الهدوم اللي فيها خطوط متجبيش ابدا خطوط بالعرض دي بتعرض الجسم كه وتخنه على عكس الخطوط الطولية بترفع.

 

الكُسر

تفصيل الهدوم الحل الأمثل والأرخص معاكي كمان، غير إنك بتقدري تتحكمي بسهولة في الشكل اللي يناسب جسمك وتقدري تعملي مثلا كسر ودي بتخلي الوسط يبان أنحف والجناب كمثرى أكتر 

ستايل فساتين الستينات

عليكي وعلى ستايل فساتين فاتن حمامة وسعاد حسني وما لذ وطاب، كلها بتعتمد على الجسم اللي مش عريض أوي من فوق، وبتداري كل التخن بشكل حلو وفستان شيك ومثالي.

الحزام

وفي حيلة تانية وهي الحزام إنك تيجي من فوق الوسط كده وتلبسي حزام يخلي الجسم الشكل المثالي للكمثرى.

 

الكورسيه

لو جسمك مش كمثرى أوي ممكن تلبسي الكورسيه هيلم كل حاجة ويساعدك تخسي بشكل مؤقت مع الرياضة، طبعا عشان كل الحيل دي بتساعدك إنك تباني بشكل مثالي وتزود ثقتك في نفسك إنك جميلة في كل الأشكال بتساعدك بس تعرفي ازاي تختاري أفضل لبس ليكي تطلعي فيه جميلة جدًا

شير