الجامعة الحياة الشغل المدرسة

ازاي تتخلص من صاحبك اللي عامل فيها حبيب

دايمًا في كل شلة هتلاقي الصاحب الحبيب والهيمان على روحه، اللي بيحب في أي بنت يقابلها أو يشوفها في أي مكان، ساعات بيبقى فاكهة القعدة، أو الحاجة الوحيدة اللي بتضحك كل الشلة بسبب حركاته اللي دايمًا وضاحة لكل الناس، بس في أوقات تانية بيبقى شخصية مستفز وبتبقى عايز تتخلص منه بأي طريقة، فلو عايز تتخلص منه ومن كلامه على البنات ورغيه ومن حركاته:

وسيلة مساعدة

ماتركزش معاه في أي قعدة حط  دايمًا  الهاند فري ودنك لما تقابله واسمع اغاني وسيبك منه، أو استخدم أي وسيلة مساعدة تانية غير الهاند فري، علشان ماتصدعش وتقدر تعيش كويس، وتتعامل معاه.

تغيير الموضوع

حاول تغير الموضوع كل ما يفتح معاك كلام عن أي بنت قابلها أو كلمها غيره، وحاول انك تتفادى أي كلام عن أي بنت وده لمصلحتك علشان هتصدع وانت واقف وبتتكلم معاه لو جت سيرة أي بنت يعرفها لأنه هيفضل يحكيلك عليها ويغني.

الشلة والصحاب

 ماتقابلوش وانت لوحدك وحاول لما تقابله يبقى كل الشلة موجودين علشان مايحاولش يفتح معاك أي موضوع أو كلام أو حكاية عن أي بنت يعرفها، علشان اصحاب بكلامهم ومشاكلهم هيغيروا الموضوع.

كرة القدم والشغل

اشغل عقله وباله بأي حاجة تانية غير البنات اللي يعرفها، وافتح  معاه مواضيع في الكورة أو الشغل أو أي موضوع تاني، يشغل تفكيره ويخليه ينسي أي حاجة تانية، ساعتها مش هيفتح معاك أي كلام عن أي بنت.

البلاي ستيشن

دورة البلاي ستيشن دي من الحاجات اللي الشباب بينسوا فيها كل حاجة، البلاي ستيشن كفيل إنه ينسيه كل حاجة في حياته، اشغل عقله بدوري جديد معاك أو مع الشلة، وماتخليهوش يتكلم عن أي بنت تاني.

شير