الجامعة الحياة

ازاي تتعامل مع البنت اللي معجب بيها في الجامعة؟

إسراء الطيب 

دخلنا الجامعة وقعنا ومحدش سمى علينا، بقيت غرقان لشوشتك ومش عارف تعمل أي، معجب بيها وهي مش حاسه بيك، نفسك تبادلك نفس الشعور، عايز تكملوا العمر سوا، ومتكنش عايز تتسلى بيها شوية وخلاص، بسيطة نفكر سواء أي اللي ممكن يخلي بنت تبادلك نفس الشعور حتى لو مكنتش في دماغها.

أتقل

البنت مبتحبش الراجل المدلوق عليها، بتحب يكون عاقل ومتزن ونفس الوقت في سنة جنان بس عارف يفصل ما بين وقت العقل وقت الجنان ، خليك تقيل متاخدش كذا خطوة ورا بعض ده هيخليك تشد انتباهها اكتر.

خطط

حدد أنت عايز أي بالظبط ومتحاولش تتسرع خد وقتك عشان تمشي الأمور صح، شوف هتبدأ بأي تلفتها ليك وازاي بعد لفت الأنتباه ده تخليها تبدأ تفكر فيك.

إشارات

خططت خلاص نفذ بقى أبدأ نفذ إشارة فالتانية شوف هي بتحب أي وأبدأ راقب من بعيد لبعيد تصرفاتها، وحاول تدي إشارات من بعيد لبعيدلو أنتو صحاب في شلة واحدة قولها مثل حلو اللون ده عليكي وبس وأقعد يوم التاني وأبدأ إدي تعليق تاني في رأيها على موضوع ان رأيها صح فيه، وبعديها علق بشكل معاكس بقى ادخل في النقيض بس الايجابي مش نقد على الفاضي عشان تحس إنك بتفهم.

اهتمام

أبدأ اهتمام على أرض الواقع بقىجه عيد ميلادها أو أي مناسبة تخصها أعمل هدية محصلتش، تكون حاجة مميزة جدا معمولة ليها مخصوص، عليها اسمها أو صورتها خليها تبلم من كتر حلوتها ومعاها ورد أو شوكلاته مش الاتنين شوف هي بتحب أي أكتر المفروض إنك عرفت فوق في خطوة المراقبة.

تلميح

بعد ما تعمل شهر مكثف من الخطوات اللي فوق دي واطمنت إن مفيش حد في حياتها، هتلاقيها هي بدأت تحب تتكلم معاك حبه في حبه، متدخلش دبش تقول بحبك، لو لقيت في ميل من ناحيتها زود الجرعة حاجة بسيطة وهتلاقيها هي بدأت تعجب بيك في المرحلة دي أمان يا كبير انطلق.

 

شير