الجيران شارعنا

ازاي تتعامل مع جارك المعفن

إسراء الطيب 

نقلت بيتك الجديد، اتجوزت، أو عزلت وشاء قدرك أن جارك اللي في وشك مش نضيف أو بصريح العبارة كده معفن، التعامل معاه بقى يكون إزاي، ومن غير ما تخسره أو يتمسك عليك كلام وتبقى أنت في الأخر اللي غلطان سواء أنت أو المدام بتاعتك، تعالى نفكر مع بعض ونشوف إزاي نحل مشكلة النهاردة.

نبدأها بالحسنى

خليك كده راجل ذوق أنت والمدام وأبدأو لمحوا إن نضافة السلم والمنطقة بينكم مطلوبة وإن في أطفال ولازم يكون المكان نضيف عشان صحتهم، ومينفعش يكون بالمنظر ده لو حد جه في أي وقت زيارة يشوف حاجة زي دي  وقبل كل ده صحتهم وصحتكم.

الإحراج الصريح

فشلت في الذوق ندخل على قلة الذوق بقى، إحرجهم بشكل صريح وعلي صوتك أي الأرف ده؟ أي الريحة دي؟، أي المزبلة دي، هيخرجوا يقولوا في أي قولهم مش شايفين الزبالة عاملة ازاي وريحتها عاملة ازاي؟ 

ندخل على الزن

لقيت ولا نافع معاهم إحراج ولا ذوق إدخل على الزن أمر من السحر وحياتك، كل يوم داخل خارج لقيت زبالة خبت قولهم معلش الزبالة بندوس فيها وإحنا طالعين ونازلين كفاية الأمراض اللي في الجو خافوا على عيالكم وهكذا.

نوصل لمرحلة الجيران

يأست من كل ده كبر الموضوع للجيران واعمل شكوة فيهم لو في صندوق واجتماع عمارة، مكنش فيهم اشتكيهم لجار جار خليهم يحسوا على دمهم يمكن ينضفوا 

قفل من كل دول خليها قانوني بقى

ومش عارف تعمل أي عليك وعلى الحي وشكوى رسمية طالما طلع معندوش دم ولا بيحس

شير