تكنولوجيا

ازاي تحمي موبايلك من السرقة

ناس كتير بتتعرض لسرقة موبايلاتهم أو ضياعها ودي مشكلة كبيرة جدًا لناس كتير، وبيبقى همهم الكبير ازاي يرجعوا الموبايل ويعطلوا الحسابات الخاصة اللي فيه، علشان كدا هنتكلم عن أهم الطرق اللي بيها تقدر تحمي الموبايل من السرقة فسواء ككان موبايلك أيفون أو اندرويد عادي هنقولك على تطبيقات مهمة هتساعدك كتير لو الموبايل اتسرق منك أو ضاع، وهي تطبيقات كتير منهم مثلًا:

Prey Anti Theft

تطبيق بيوفر ليك مزايا كتير زي تتبع الموبايل عبر تقنية GPS ، ده غير انك هتقدر تستخدم الكاميرا الأمامية والخلفية لتصوير السارق, وإرسال رسالة نصية لو تم تغير شريحة SIM، وارسال رقم الشريحة الجديدة ليك, وتشغيل تنبيه بصوت عالي جداً حتى ولو كان الموبايل صامت.

avast Mobile Security

وده تطبيق بيحمي الموبايل، بيساعد في قفل الموبايل لو ضاع وتتبعه عن طريق تقنية GPS وتحديد مكانه ويرسلك لك رسالة نصية عند تغير الشريحة بها الرقم الجديد.

WHERES MY DROID

تطبيق مجاني للموبايلات الأندرويد، بيعمل مسح وتعقب للموبايل الضايع أو المسروق، هتقدر من خلاله أنك تلاقي موبايلك، وده لأنه بيتعقب الأجهزة عن طريق أحداثيات الـGPS، مرتبط بخرائط جوجل، هتقدر أنك تحدد مكان موبايلك على الخريطة لو ضاع أو اتسرق.

تطبيق Find My iPhone

دي خدمة بتوفرها لك شركة ابل لأجهزة الايفون والايباد والماك في حالة ضياع أو سرقة الموبايل علشان تلاقيه، وهو تطبيق هتقدر من خلاله تعرف مكان الايفون حتى لو كان على وضع صامت وهتقدر تقفل جهازك برقم سري في حالة ضياعه، كمان بتظهر رسالة على الشاشة مع رقم الهاتف في حالة ضياعه.

 

شير