الكراش للرجال فقط

ازاي تخرج من أي علاقة بشكل لطيف 

أوقات كتير بتبقى حاسس أن علاقتك بشريكك هتدوم للأبد، وأن مافيش حاجة هتفرقكم عن بعض أبدًا، بس بنتصدم لما تكتشف ان الشخص اللي انت اخترته مش هو الشخص اللي كنت بتحلم بيه يكمل معاك حياتك الخاصة، وده موضوع بيخليك تدور على أي سبب علشان تنهي العلاقة بشكل لطيف.

التوقيت 

لازم تختار الوقت الصح، اللي تنهي فيه علاقتك بشريك الحياة، حاول تتجنب الاوقات اللي بيبقى فيها مشغول بحاجة مهمة زي فترة الامتحانات أو أي مرحلة مهمة في شغله علشان ماتبقاش سبب في ضياع مستقبله او تكون السبب في نهاية حياته كلها.

الرحمة 

حاول تكون رحيم معاه وانت بتنهي العلاقة، لأن الموضوع هيبقى صعب عليه جدًا ماتحاولش تتكلم على سلبياته وعيوبه وماتحاولش تقارنه بأي حد تاني.

الرسالة 

ماتحاولش تنهي العلاقة معاه عن طريق رسالة نصية على الموبايل أو غيره لازم تتكلم معاه وحاول توضح له أسبابك في انهاء العلاقة اللي ما بينكم بشكل ودي وبطريقة لطيفة .

الهدوء

حافظ على هدوئك وانت بتتعامل معاه وماتخليش حاجة تثير غضبك وماتحاولش تتعصب معاه وحاول انك تتعامل معاه بلطف وخد اللي انت عايزه بكل ذوق وأدب.

شير