السواقة

ازاي تسوق في المطرة من غير زحلقة

إسراء الطيب 

الأيام الجية المطرة هتبدأ تشد فيها والشتا يدخل بزعابيبه، وأكتر حاجة بتقلق في الشتا المطرة بتبقى زي فيلم الرعب اللي بتلاقي نفسك لبست فيه إجباري وانت سايق ومش عارفة تعمل أي ولا تروح فين، ومين بيعمل أي.

الرعب الحقيقي إن العربية تفلت منك لأنك لو فلتت منك ومعرفتش تلحقها وتتحكم فيها هيكون يا رحمان يا رحيم لبست أنت والناس اللي كانت ماشية قدامك كمان، طب الحل أي الحل أبسط ما يكون إما متنزلش تسوق في المطر أو إنك تركز في الكام نصيحة البسيطة دي.

الحزام

مهم في كل أوقات السنة، مش بس مهم في أوقات المطرة، إلا أنه بيحميك لو حصل أي حادث أو العربية فجاءة اتزحلقت، أو اتهزت لآي سبب إنك تكون متأمن فتعرف تعدلها على طول.

مسافة كافية

نسيب مسافة كافية بينا وبين اللي قدامنا في المناطق السكنية بالذات عشان ممكن أي حد يطلعلك فجاءة فلازم تفرمل بسرعة بخساير قليلة أو معدومة على قد ما تقدر.

مطلع كوبري

مش هتتزحلق لو خليت سرعتك خفيفة وشد فرامل اليد، واحدة واحدة ومتتعافاش عشان تطلع الكوبري لآنه الطبيعي هيكون مزحلق جدا في الطلوع والنزول فخد بالك جدا ومش لازم السرعة العالية هنا.

بلاش كلام في التليفون

أو أي حاجة تشتت إنتباهك لحد ما المطرة تعدي على خير، التليفون بياخد من تركيزك أكتر من 70% وده بيتقلب عليك عكسي طبعا لو في مطرة فمتكونش منتبه والعربية في الأخر بتتقلب.

 

اهدي السرعة

مجرد ما المطرة تنزل يعني بلاش 100 /120 نزلها للدرجة اللي تلقيك عارف تتحكم في العربية متحسش إنك متزحلق، وتروحك بيتك وأنت سليم.