الكراش للبنات فقط

ازاي تشقطي ابن الجيران في خمس خبطات

إسراء الطيب 

ابن الجيران هو اول فريسة كزوج مستقبلي عند أغلب البنات، لآن الحبة اللي فاضلين بيفكسوا لابن الجيران لآن في الأغلب بيكونوا عارفين بلاوي بعض كلها فمينفعش يتجوزوا هيسيحوا لنفسهم قدامك العيال.

المميزات الاساسية عند ابن الجيران إنه موجود قدامك دايمًا وسهل إنك تطبقيه في جيبك بخطوات بسيطة لو عرفتي تعمليها بتقل وذكاء، عشان لو عملتيها وإنتي مدلوقة هتاخدي فوق دماغك وشكلك هيكون زبالة في العمارة كلها ده لو متفضحتيش يعني فنركز في اللي جي..

الأكل الحلو

الحلويات، المحاشي، البشاميل، وكل الأكل الحلو للي طالع نازل من عمايل إيدك، خليكي واثقة إن أكتر معلومة حقيقة في الكوكب، إن أقصر طريق للراجل معدته.

 

اكسبي مامته في جيبك

لو كسبتي مامته، شكرا انتي كده ضمنتي 90% من الجوازة، لان امه هتستلم زن ابدي يخليكي تفكري فيه ليل نهار، لحد ما يقنع نفسه بحبك ويجي يتحايل عليكي كمان عشان توافي.

النظرة والهمسة 

الشغل الخفيف، اللي فيه تلميح هادي بيكون ميكس رومانسية ودلع بتشغلي باله وتخليه يفكر فيكي وقلبه يدق كل ما يشوفك، ويبدأ يجمع معلومات بقى عنك ويتلكك عشان يكلمك.

الصوت الكيوت اللي مبيطلعش

مفيش راجل بيحب الصوت العالمي بأي شكل من الأشكال، لآنه بيفسره حاجات كتير حسب البيئة اللي اتربى فيها، غير انه مش مستعد يتجوز عشان يصدع.

لو وحيد مامته

بيحبها حسسيه إنك نسخة حنينة وكيوت منها زي كريمة في مسلسل 7 جار، خلته جه على وشه في أقل من شهر بس للاسف في الاخر متجوزش عشان مشاكل عيلتها، فظبطي امورك كده وخليكي في السليم ومتكرريش ظروف كريمة.

شير