الحياة سينجل

ازاي تطفش العروسة اللي أهلك ملبسنهالك

إسراء الطيب 

سنجل ومرتاح وحياتك فللي ومش عايز حد فيها، ده شئ يخصك براحتك لكن متفتكرش أن الكوكب الجميل هيسيبك في حالك وروقانك، وعلى رأس الكوكب ده الوالد والوالدة، يابني أنت كبرت، اللي قدك بقى عندهم عيال، ووالدك اتعلم تشيل مسؤولية وخلي عندك بيت خاص بيك، وتستمر الاسطوانات نهار وليل لحد ما تلاقي الأسطوانة قلبت واقع وجبولك عروسة يا معلم.

جت العروسة وخلاص بتلبس، بتغرق أهو، وشكلك هتجوز يا برنس، ازاي بقى بكل لطافة وبرنس كده في نفسك تطفش العروسة وتطلع زوق جدًا وأخلاق، وزي الفل، تعالى نفكر مع بعض بهدوء كده ودماغ ألماظ.

1- متهتمش بشكلك مالها دقنك حلوة وعلى الموضة

 

2- متكويش القميص وخليه طالع من بوق كلب زي الحجة ما بتشتمك

3- رجل على رجل طول القعدة 

4- نظرات خبيثة توحي بشرير عميق ترعب العروسة

5- لو كل ده فشل قول للعروسة للاسف  الدكتور صارحني إني عندي مرض عميق 

 

6- خليك تافه  ومستهتر زي ما أنت بالظبط بلا هم يا راجل

وكل ده ميمنعش إنك لو لقتها بنت حلال وتستاهل وعجبتك إنك ترجع مارش لورا كده وتنزل بالأسطوانة الحنينة يمكن دي تكون أم العيال وتربيك معاهم.

شير