الجامعة الحياة الشغل

ازاي تعود نفسك على الصحيان بدري

الصحيان بدري ليه مميزات كتير، هيخليك تبدأ يومك بنشاط وحيوية وطاقة هتساعدك في انك تكمل يومك من غير الاحساس بالارهاق والتعب، وهتقدر تظبط يومك في الشغل أو الجامعة، علشان كدا هنقولك على شوية حاجات هتساعدك كتير في الصحيان بدري:

المنبه

ده أهم حاجة في حياة معظم الشباب، ده بيبقى رقم واحد اللي هيساعدك بشكل كبير في الموضوع ده، لدرجة بتخلي الناس تظبط المنبه أكتر من مرة في نفس اليوم .

السهر

ابعد عن السهر وحاول أنك تنام بدري، علشان تقدر تصحى بدري، ولما هتتعود هتقدر ساعتها تصحى بدري .

الموبايل

اقفل موبايلك بالليل علشان تقدر تنام كويس وماحدش يقلقك وقت النوم، بأي اتصال أو شات في نص الليل.

خفف الأكل وابعد عن شرب المنبهات

حاول على أد ما تقدر أنك تقلل كمية الأكل بالليل، علشان تعرف تنام بدري، وابعد خالص عن شرب القهوة وأي نوع من المنبهات بالليل .

شير