السواقة

ازاي تكشف على العربية المستعملة

سوق العربيات المستعملة من الاسواق الرايجة في مصر، وده بسبب الاسعار المبالغ فيها للعربيات الجديدة، والمعروف أن في حاجات لازم تاخد بالك منها لما تيجي تشتري عربية مستعملة، لأنك لازم تتطمن على حالتها كويس قبل ما تشتريها، علشان كدا هنحاول نقولك على كام حاجة تاخد بالك منها وانت بتكشف على العربية اللي عايز تشتريها.

الصدأ

وده بيبقى موجود في العربيات اللي عمرها اكتر من 8 سنين، فخد بالك منه كويس واتأكد ان حالتها كويسة ومافيهاش صدأ كتير.

الألوان

خد بالك من لون العربية لو في اي اختلاف في درجة اللون يبقى العربية مرشوشة قريب، أو لو لقيت أي رش على خرطوم أو سلك معناها ان العربية مرشوشة قريب.

بوية العربية

 

بوص على بوية العربية وبص على الانعكاس لأن ده هيبينلك حاجات كتير .

الفروقات

اتأكد ان مافيش فروقات بين اجزاء العربية، بمعنى أنه لو في فرق بين الباب وجسم العربية يبقى الباب مفكوك قبل كدا .

المحرك والفرامل

اتاكد ان مافيش أي تأكل في المحرك أو أي تسريب في العربية، حاول تجرب الفرامل قبل ما تشتري العربية .

شير