الفورمة

ازاي تكوي هدومك من غير مكواه

دي مشكلة بتقابل كل الشباب، فلو بتنزل الشغل أو الجامعة أو المدرسة بدري، ومش عارف تكوي هدومك علشان بترجع متأخر ومابتلحقش تكوي زي كل الناس، هنحاول نقولك على 4 طرق وخطوات هتوفر وقت ومجهود معاك وهتقدر تكوي بيهم هدومك من غير مكواة وهيبقى شكلك برضوا متظبط:

الطريقة الأولى

علشان تتخلص من كرمشة الهدوم كل اللي عليك انك تعلقها في الحمام وقت حمومك، فعشر دقايق هيزيل البخار كل الكرمشة والكُسر الموجودة في اللبس وهتبان كأنها مكوية.

الطريقة الثانية

تاني طريقة سهلة جدًا وهي حاول ترش شوية مياه على أي منطقة متكرمشة في اللبس وسيبها متعلقة لمدة ساعة قبل ما تنام أو أول ما تصحى الصبح.

الطريقة التالتة

تالت طريقة تقدر تستخدم السرير فيها، علشان تفرد اللبس عن طريق لفها على شطل أنبوب ووضعها تحت السرير لمدة يوم أو كام ساعة.      

 الطريقة الرابعة

رابع طريقة، تقدر تفرد الأكمام المتكرمشة عن طريق مكواة الشعر بتاعتك اختك أو مراتك الموجودة في البيت وتستخدمها في فرد الهدوم عن طريق البخار اللي بيطلع منها.

شير