السواقة

ازاي تهرب من لم الأجرة

لم الأجرة بالنسبة لناس كتير تعتبر عملية انتحارية، مجازفة كبيرة جدًا، زي العمليات الحسابية المعقدة، فيها هات وخد فين الباقي، لازم تبقى قاعد مركز، شغال ضرب وقسمة، حاجة بصراحة تجيب الضغط والسكر، هتحس بصداع رهيب وانت عمال تحسب الباقي كام، ناس كتير بتقدر أنها تهرب منها، بطريقة سهلو وبسيطة هنقولك عليها :

أخر كرسي جنب الشباك

حاول تقعد دايمًا في أخر كرسي جنب الشباك علشان تعرف تهرب من صداع لم الأجرة.

إشغل نفسك بأي حاجة

حاول تشغل نفسك بأي حاجة وقت لم الأجرة، اتكلم في التليفون، إلعب في الموبايل، أقرأ كتاب مثلًا .

اقعد جنب السواق

اختار الكرسي اللي جنب السواق لأنه مابيلمش الأجرة بيدفع لنفسه وبس، وبيترحم من صداع لم الأجرة .

ابعد عن أول كرسي

حاول تبعد على أد ما تقدر عن أول كرسي لأنه غالبًا بيكون عليه العين وهو اللي بيلم الأجرة بالذات الشخص اللي قاعد في نص الكرسي، ده دايمًا الانتحاري اللي اختار إنه يلم الأجرة .

شير