الفورمة

ازاي توفق فورمة شعرك مع لبسك

الجمع بين فورمة شعر كويسة ولبس عالي وتمام التمام، موهبة مش أي حد يقدر عليها، فكل لبس ليه فورمة شعر معينة،  فحاول أنك تظبطهم مع بعض لأن ده هيفرق معاك جامد أوي .

ملابس الفورمال

لو رايح شغلك أو بتستعد لمقابلة مهمة ولابس فورمال، فلازم يبقى معاها تسريحة شعر كلاسيك لأنها هتليق اكتر مع ستايل اللبس ده، يعني سرح شعرك على جنب أو لقدام وحاول انه مايبقاش طويل أوي ده بالنسبة للشباب، أما البنات فأنسب حاجة ليهم هي تسريحة الشعر البسيط الهادي، يعني ممكن تجربي الضفيرة أو كعكة على الجنب أو في اسفل الرأس أو ممكن تسيبي شعرك وتفرديه عادي.

ملابس الكاجوال

لو أنت بتحب تبقى كاجوال دايمًا، ممكن ترجع شعرك لورا أو تخفف الاجناب وبس أو تحلق على الزيرو، وده طبعًا بالنسبة للشباب، اما البنات ممكن تسيبي شعرك وتفرديه ودي انسب تسريحة شعر ليكي.

ملابس الرياضة

ملابس الرياضة ليها تسريحتها الخاصة يعني مثلا ممكن ترجع شعرك لورا أو تحلق على الزيرو ده للشباب، أما البنات فديل الحصان  والكعكة المربوطة أوي هتبقى مناسبة أكتر على لبس الجيم والرياضة .

شير