الحياة الشغل

ازاي ممكن تكسب من على النت؟

إسراء الطيب 

النت عالم كبير مفتوح مستني اللي يعرف يستغله صح ويطلع منه أحلى فلوس، وشغل، يعني لو  عندك مشروع صغير عايز تسوقه، عندك مشروع لسه هتعمله، عايز تبيع، تشتري، أي حاجة فيها فلوس، هتلاقي نفسك بتستخدم النت، لكن فكرت ازاي ممكن تخلي النت مصدر فلوس ليك من غير مجهود، تعالوا نشوف.. 

الشير

دلوقت بقيت لو عايزة حاجة ابعت رسالة للصفحة اللي بتبيعها وقولهم كام شير وأخدها، في صفحات فعلا نفذت ده وسلمت جوايز دي لناس كتير وفي صفحات بترفض، بس خلال مبقاش مانع أنك تاخذ أي حاجة ببلاش لمجرد إنك شيرت أنت وصحابك اسم الصفحة واسكرين شوت من الرسايل بينكم، في صفحات بتأفور وتقولك 50 ألف شير وفي صفحات تانية واقعية أكتر وتقولك 1000 مثلا وبيختلف من صفحة للتانية حسب سعر المنتج أو الخدمة اللي بيقدموها.

الجروبات وصفحات الفيسبوك

الفيسبوك كوكب تاني كبير تقدر تستغله في 100 حاجة في بعض، من ضمنهم جروبات والصفحات اللي ممكن تستغلها كمشروع تجاري خاص بيك، ازاي، يعني أنت ممكن ميكونش عندك شركة أو محل بتبيع منه، بس عندك جروب أو صفحة بتعرض عليها المنتجات واللي يكون عليها الطلب تجبها من مصنعها وتبعتها للعميل بتاعك مع المندوب يوصله لحد بيته.

الاستفتاء

شركات كتير بتعتمد على الفيسبوك ومواقعهم على النت أنهم يستفتوا على منتج معين على خدمة جديدة، بدل الاستفتاء الميداني اللي بيكلف دم قلبهم وكده النت وفرلهم فلوس أكتر بكتير.

الدعاية

قبل كده كانت الإعلانات معروفة أوت دور اللي في الشوارع أو على الميديا، دلوقت بقت الإعلانات مش كده وبس بقت اونلاين أكتر من أي حاجة تانية وخصوصًا على الفيسبوك، وتقدر تدفع مبلغ صغير وتضمن أن خدماتك ومنتجكك هيوصل لزباين معينة انت اللي تحددهم كبار صغيرين، آنسات، رجال، وغيره، وبتكلفة متجيش ربع تكلفة أسلوب الإعلانات اللي في الشارع اللي مش ضامن كمان هتوصلها للزبون اللي انت عايزة ولا لا .

 

بيع واستبدال

تطبيقات كتير ومواقع بقى شغلها الأساسي على النت ازاي تساعدك تبيع أي حاجة مش لازماك وتجيب غيرها أو إنك تبدلها مع أي حاجة حد تاني محتاجها، زي أولكس وجروبات الاستبدال والبيع على الفيسبوك .

شير