حقائق غريبة عجائب وغرائب

التبول وكسر بيضة .. اغرب طقوس الزواج في العالم العربي

العرب عندهم عادات عجيبة وغريبة بيتوارثوها جيل بعد جيل، علشان كدا هنحاول نتكلم شوية عن أغرب عادات الزواج في العالم العربي، وهي عادات لسه موجودة عند بعض العائلات العربية وبيتم ممارستها بشكل منتظم في كل الافراح عندهم.

القفز فوق سمكة

سكان طفاقس في تونس بيجيبوا سمكة كبيرة عليها شرايط ملونة كزينة فيها، علشان يعدي من فوقها العريس والعروسة 7 مرات مع أغنية «تنقيزة الحوت» وهي اغنية معروفة بيحفظها كل الاهالي، وده علشان يبعدوا عنهم الحسد والشر.

لزق العجين في الحيط


في عدد من العائلات في بعلبك بلبنان بيلجأوا لعادة غريبة وهي لزق حتة عجين على باب العروسة والعريس، وبيعتبروا سقوط العجينة نذير شؤم لمستقبل العروسين وحياتهم مع بعض بعد كدا.
كسر بيضة على الحيطة


العروسة في المغرب بتكسر بيضة معمولة مخصوص ليها وبتبقى مطلية بالحنة وترميهاعلى حيطة البيت الجديد، علشان كسر الشر والاستبشار بالحياة الجديدة مع زوجها، وعلشان يتمنوا يعيشوا في سعادة مع بعض.

تبول طفل ذكر على الفراش


الناس اللي في محافظة ديالي العراقية بيجيبوا ولد صغير، علشان يتبول على فراش العريس والعروسة، وبيعتبروا أن ده هيزيد من فرصهم في انهم يخلفوا الولد اللي بيحلموا بيه .
كتابة اسماء العازبات على جزمة العروسة


دي عادة موجودة في العراق برضوا، بتكتب البنات اللي لسه ما اتجوزتش اساميهم على جزمة العروسة، علشان تتجوز بسرعة وبيعتقدوا ان ده هيبقى سبب في جوازها بسرعة.

شير