Studio

الروبوت الفورمة ودماغ شرايح.. أكتر 5 اختراعات يجي منها في 2017

الطباعة 3d

إنك تكون مخترع، بتكون زي اللي عقلك عايش في المستقبل وجسمك في الواقع، وعايز تلم شمل الاتنين، كل يوم بتفكر في الجديد وإزاي حتى افتكاسات الأفلام واختراعاتها تتحول لواقع في حياتنا، وده اللي بيحصل كل يوم مع المخترعين، لكن مش كل الاختراعات بيكون ليها مستقبل في اختراع يطلع يدفن واختراع تاني تلقيه انتشرت زي الفيرس في العالم كله، لكن تفتكر اي أحسن اخترعات وصولوا ليها في 2017 ونقدر نقول ليها مستقبل.. تعالوا نشوف

1- الروبوت الرشيق أو الفورمة

العلماء شايفين أنه واحد من أنجح الروبوتات اللي تم تنفيذها لحد دلوقت وده بيرجع طبعا لرشاقته وميزة خفة الحركة اللي بيتمتع بها وإنه مناسب لمختلف البيئات البشرية وسهل التأقلم مع ظروف البيئة

 

2- شرائح نيورومورفيك

حاجة كده زي دماغ الكترونية عندها قدرة مقاربة للدماغ البشرية إنها تستحمل ضغط عمليات كتير، الغرض من هندسة نيوروموروفيك إنها ببساطة بتحاول تقلد دماغنا وظايف كتير وسرعة وكفاءة عالية، عشان يستخدموها في الكمبيوترات والروبوت والسمارت فون.

 

3- البطاريات الراديكالية العضوية

اسمها تقيل شويتين بس خلينا نشوف دي بتعمل اي ولا عبارة عن اي، دي بطارية جديدة للموبايلات  مصنوعة من البلاستيك، وكل ممتها إنها تعالج عيوب البطارية العادية يعني مثلا أن البطارية بتفضي شحن بسرعة أن البطارية بتسحب كهربا كتير إنها مصنوعة من معدن بيزود تقل كل ده خلال بقى من الماضي، رم إن البطارية دي لسه منزلتش الأسواق إلا أن العلماء شايفين فيها المستقبل وحلم الوصول للبطارية الدائمة

 

4- الزراعة العمودية

أيون زي ما قرأت كده معروف دايما أن أغلب النباتات بتتزرع في الأرض وبتكون مسطحة لكن المرة دي لا، كتير من العلماء خايفين من سوء استخدام الإنسان للطبيعة ومتوقعين أن نهاية الكوكب على أيد البشر قربت وأن اكتر حاجة هيكون محتاجها بجانب الأكسجين هو الأكل وعشان المساحات بتصغر ومبقاش في مكان للزراعة بدأو يفكروا في تقنيات الزراعة العمودية ودي بتتنفذ في عمارة مستودع اي مكان وبيكون سهل تطبيقها بشكل طولي وأكبر ميزة للنظام ده بعد تطبيقه أنه بيوفر 1000 ضعف لنفس المساحة العادية في الأرض.

 

5- الطباعة ثلاثية الأبعاد

نقدر نقول أن أهم اختراع حصل الفترة الأخيرة هو تقنيات الطباعة ثلاثية الأبعاد وفتحت الباب ملايين الاختراعات اللي ممكن تعتمد عليها وتوفرلها وقت وجهد كبير جدا، غير أن الدكاترة بالفعل بدأوا ينفذوها بره ويعملوا نسخة طبق الأصل من أمعاء المريض ويجربوا العملية على المجسم قبل ما تكون في الواقع عشان يتجنبوا اي غلطة، ومش بس كده دي بتفتح عدد لا نهائي من الاستخدامات تخيل أن المستقبل وأنت في بيتك وتطبع أي منتج يعجبك وأنت في بيتك عربية ترابيزة مطبخ سرير وهكذا.. 

 

شير