المشاهير رياضة ع السريع

اللاعبين الأعلى أجر في العالم

بعد المستويات والمعجزات اللي بيقدمها النج المصري محمد صلاح في ليفربول، وبعد حصوله على جايزة الـBBC كأحسن لاعب في افريقيا لسنة 2017، وبعد كل التقارير اللي اتنشرت عن أجره في ليفربول واللي بيتقال أنه وصل لـ 90 ألف جنيه استرليني في الأسبوع متساوي مع السنغالي ساديو ماني والبرازيلي فيرمينو، محتل المركز الخامس في قائمة اللاعبين الأعلى أجر في ليفربول.

القيمة التسويقية لمحمد صلاح ارتفعت بشكل كبير بعد المستويات اللي بيقدمها مع ليفربول وبيتقال أنها وصلت لـ40 مليون يورو، يعني حوالي مليار جنيه مصري وفي تقرير تانية بتشير لمبلغ أكبر من ده، دي مبالغ كبيرة طبعًا بس حاليًا وعلى مستوى العالم في لاعيبة قيمتها وصلت لأكبر من كدا بكتير.

ليونيل ميسي

ميسي بعد ما مضى عقد جديد مع نادي برشلونة الإسباني قدر انه يزيح مواطنه كارلوس تيفيز مهاجم شنغهاي الصيني اللي كان أجره وصل لـ38 مليون يورو سنويًا، وبيتقال أن ميسي في عقده الجديد هياخد أجر بيوصل لـ42 مليون يورو سنويًا.

كارلوس تيفيز 

مهاجم شنغهاي شينهوا الصيني، وهو لاعب كرة قدم ارجنتيني بيتقاضى 38 مليون يورو في السنة، وكان بيعتبر الأول على العالم قبل تجديد عقد ميسي اللي خلاه يتراجع للمركز الثاني، لعب لأكتر من فريق أوروبي زي يوفينتوس الإيطالي ومانشيستر سيتي الإنجليزي. 

نيمار دا سيلفا

بيجي في المركز التالت على العالم، اللاعب البرازيلي نيمار اللي انتقل في صفقة خرافية من برشلونة الإسباني لباريس سان جيرمان الفرنسي، بيتقاضى مع فريقه الجديد باريس سان جيرمان الفرنسي، أجره بيوصل لـ36 مليون يورو في السنة.

كريستيانو رونالدو

اللاعب البرتغالي نجم نادي ريال مدريد الإسباني، واللي فاز بلقب أحسن لاعب في اللاعب لسنة 2017، بيجي في المرتبة الرابعة على العالم، وأجره بيوصل لـ34 مليون يورو في السنة.

شير