الفورمة

الوكالة طريقك لفورمة الشتا اتنصح عشان ميضحكش عليك

إسراء الطيب 

التلج بقى مسيطر على كل مصر والمطر غرق الشوارع والاستعدادات القصوى للدفى هلت خلاص، ونزلت الشتوي لقيته مبقاش مقاسك والجيب مفهوش اللي يقضي أسعار الشتوي السنة دي طب الحل أي هتموت من البرد لا ممكن تدفى وكمان تلبس برندات عالمية وأسعار مش غالية بس إزاي؟

الحل السحري اللي موجود من أكتر من 50 سنة ولسه في ناس متعرفوش، هو الوكالة، دايما تسمع عنها بس مفكرتش تروحها، الوكالة مش خرافة ولا مكان غريب ببساطة هي امتداد لشارع 26 يوليو كأنك طالع على كوبري 15 مايو وطالع على الزمالك.

هتلاقي في الوكالة أهل الزمالك وأجانب كتير رايحين يجبوا حاجتهم من هناك، هتلاقي هدوم كتير بورقتها وهدوم بواقي من الخارج، مش هتلاقي أي حاجة مصري يعني هتلاقي حاجات من ايطاليا، بنجلادش، الصين، روما، وغيره كتير المهم لو بتفكر تدوس وتنزل خد بالك من المعلومات دي..

خد لفة حلوة قبل ما تفكر تطلع جنيه من جيبك، خليك صبور ومتكسلش

اعرف متوسط الاسعار أي وهتلاقي الحلو دلوقت تمنه بيبدأ من 65 ومعاك وأنت طالع

حدد إنت محتاج أي بالظبط

قبل ما تدفع فصص القطعة يكون فيها قطع او أي مشكلة

أعرف المكان اللي جبت منه عشان لو حبيت تبدلها

شير