خروجات

اماكن لازم تلاقي الرجالة فيهم

قعدة الرجالة دايمًا بتبقى هي الاساس في حياة كل الشباب، لازم هتلاقيها الاختيار الأول، دايمًا هتلاقي يوم في الأسبوع معمول لقعدة الصحاب على أي قهوة أو كافيه أو أي مكان تاني يكونوا بيرتاحوا فيه مع بعض، وهي أماكن هنحاول نتكلم عنها شوية:

البلاي ستيشن

دورة البلاي ستيشن هي الحاجة الوحيدة اللي بتجمع الصحاب، عاملة زي المياه والهواء في حياة كل شاب، مايقدرش يقول لأ لأي لمة فيها بلاي ستيشن.

القهوة

المكان رقم واحد لكل الشباب، بتعتبر مكان مقدس، بيتجمع فيه كل شاب مرة في اليوم أو في الاسبوع، والقهوة  أو الكافيه  أكتر الأماكن اللي تقعد فيها وأنت مرتاح مع أصحابك .

حجز الكورة

لازم هتلاقي يوم مخصص في كل شلة للعب الكورة، الحجز شيء اساسي، بيبقى وقت جميل بتقضيه مع اصحابك في الحاجة اللي أنت بتحبها.

الكروزة بالعربية

في كل شلة هتلاقي صاحبك اللي معاه عربية اللي بيتجمع فيها كل الشلة علشان يلفوا وياخدوا كروزة بالعربية وبيبقى معاهم الأكل والشرب والسجاير بتاعتهم.

الكشك اللي عند ناصية الشارع

دايمًا الكشك اللي في أول الشارع بيبقى مأوى لكل الشلة بيتجمعوا فيه زي القهوة بالظبط، القعدة بتطول ساعات لنص الليل وساعات بتبقى خطف ساعة أو اتنين.

شير