خروجات

امتى الكافيه بيبقى زحمة

 زي ماقولنا قبل كدا أن الكافية بيبقى الاختيار رقم واحد عند كل الناس في أي خروجة أو فسحة مع الاصحاب، أو حتى لو عايز تخرج لوحدك، علشان كدا لازم تعرف الاوقات اللي بتبقى فيها الكافيهات زحمة من الأوقات اللي الجو فيها بيبقى رايق، فلو أنت ما بتحبش الزحمة وبتحب الهدوء تقدر تنزل تقعد على أي كافيه في الأوقات اللي هنقولك عليها دي.

أوقات الماتشات والدوريات الاوربية فلو أنت مابتحبش الكورة ابعد عن الأوقات دي لأن الكافيه هيبقى كومبليت وقت أي ماتش، خصوصًا لو كان ماتش للمنتخب.

ايام العطلات والأجازات الرسمية دي الاوقات اللي بيبقى فيها زحمة مش طبيعية في أي كافيه علشان كدا ابعد عن الأوقات دي.

يوم  الخميس بما انه بيبقى في نهاية الأسبوع بعد يوم شغل طويل أو بعد اسبوع دراسة كل الكافيهات بتبقى زحمة .

وقت خروج المدارس الثانوية بتبقى معظم الكافيهات زحمة، ده غير الساعة 9 بالليل كمان بتبقى  زحمة جدًا.

شير