تكنولوجيا

برامج لا غنى عنها للاندرويد

تطبيق جوجل بلاي مليان عدد كبير أوي من التطبيقات والبرامج والألعاب، علشان كدا هنتكلم عن التطبيقات المهمة اللي ممكن ماتكونش مش مشهورة أوي،  رغم أنها تطبيقات مذهلة ليها ميزات كبيرة وماينفعش تستغنى عنها:

تطبيق CamScanner

تطبيق مهم جدًا بيقدم لك خدمة كبيرة، وهيخليك تقدر تعمل مسح سكانر لأي مستند أو ورقة من خلال الموبايل، مش كدا وبس ده بيضيف علامة مائية على الصورة علشان يحمي حقوق الملكية وعلشان يمنع سرقة المستندات.

تطبيق CM Security

ده تطبيق مهم جدًا لكل الموبايلات الاندرويد، للحماية من الفيروسات بيقضي على الفيروسات وبيسهل الإستخدام ده غير أنه بيدعم 26 لغة ، بيوفر الخصوصية لجهازك، وتقدر تقفل التطبيق وتحمي معلوماتك وملفاتك الخاصة، كمان فيه أكتر من 50 مليون مستخدم واثقين فيه لأقصى درجة .

تطبيق Duolingo

وده تطبيق ممتاز من خلاله تقدر تتعلم أي لغة انت عايزها، بيديك دروس تعليمية بالصوت والكتابة عن طريق لعبة فلو مقدرتش تجاوب صح بتفقد الحياة، هتقدر من خلاله تتعلم الإنجليزية والأسبانية والفرنسية والألمانية والإيطالية وغيرها.

تطبيق Nova Launcher

تطبيق بعتبر من افضل التطبيقات اللي بتساعدك على تخصيص الشاشة في الموبايلات الأندرويد، مع تغيير ثيمات وخلفيات كتير ملاش عدد محدد، ده غير انه بيسهل عملية الوصول لأي حاجة في الموبايل.

شير