حقائق غريبة عجائب وغرائب

بريطانيا تبيع منزلين بسعر جنيه واحد في ستوك سيتي

انتشرت على مواقع التواصل الاجتماعي أخبار بتقول أن مجلس مدينة ستوك أون ترينت أعلن نيته في بيع منزلين أثريين وفاضيين في المدينة بسعر قليل جدًا وده اللي اثار سخرية وجدل على كبير مواقع التواصل الاجتماعي خصوصًا أن المنزلين في مدينة ستوك اللي موجود فيها اللاعب رمضان صبحي.

المنزلين هيتباعوا بجنية سترليني واحد بس بشروط معينة لازم المشتري ينفذها، واعلن مجلس المدينة أنهم بيأملوا أن بيع البيتين يساعد في إحيائهم من تاني.

مدينة ستوك سيتي

المعروف ان مدينة ستوك أون ترينت دي أكبر مدينة في ستافوردشير غرب أنجلترا وفيها نادي ستوك سيتي الانجليزي اللي محترف فيهارمضان صبحي لاعب منتخب مصر والنادي  الأهلي.

طراز المنزلين

وقالوا أن احد من أعضاء مجلس مدينة ستوك أون ترينت أعلن في تصريحات صحفية أن المنزلين على الطراز الفكتوري، وانهم داخلين ضمن حسابات المجلس وانهم عايزين بيعمهم يوفر فرص استثمارية في المدينة.

بيع المنزلين

وبيتقال أنه أعلن كمان أن المنزلين هيتباعوا في مزاد علني بسعر جنية استرليني مايعادل 1.3 دولار، والعرض هيكون على اساس عقد إيجار طويل وفعال بس لازم تنفيذ شروط البيع في الأول .

شروط البيع

المجلس حط شروط لبيع المنزلين وهي إلزام المشتري بعمل التصليحات والصيانة اللازمة للمنزلين، مش كدا وبس لازم يسكن المشتري في المنزلين، وده علشان يحافظوا على المنزلين الاثريين، بس الحقيقة مافيش اي اخبار مؤكدة على الموضوع ده رغم ان الخبر منشور على اكتر من موقع اخباري .

شير