عجائب الدنيا عجائب وغرائب

بعد اختفاء 12 سنة .. شاطيء يظهر بين عشية وضحاها

شاطيء خليج أشليم في إيرلندا، بيعتبر من أغرب الشواطيء في العالم، وده علشان اختفى فاجأة من غير أي سابق انذار، مش كدا وبس ده ظهر برضوا فاجأة بعد 12 سنة، ودي حاجة غريبة مابتحصلش كتير.

جزيرة أشيل

بيتقال أن شاطيء خليج أشليم مش لوحده اللي اختفى في جزيرة أشيل، وأن فيه شاطيء تاني بيبعد عنه بـ10 كم، اختفى من 33 سنة بعد عاصفة ربيعية اجتاحت الشاطيء فكانت سبب في اختفاء الرمال والمياه ومابقاش موجود غير الصخور.

شاطيء أشليم

اختفى شاطيء اشليم من 12 سنة بالتحديد في سنة 2005، بعد عاصفة الخليج اللي ضربت الجزيرة واللي كانت سبب في اختفاء الرمل و نزوح المياه ومابقاش غير الصخور، بس في الصيف اللي فات ضربت الجزيرة عاصفة براين اللي شكلت طبقة كثيفة من الرمل على منطقة الشاطيء مرة تانية.

أسطورة إيرلندية

فيه اسطورة محلية بتقول أن شاطيء أشليم بيرجع كل سبع سنين بس المرة دي قعد 12 سنة، والحقيقة أن سكان الجزيرة ما يعرفوش ميعاد الاختفاء بس مستمتعين بالشاطيء بتاعهم، وبيزوروه كل فترة قبل ما يختفي.

سر الاختفاء

بيتقال ان السبب الحقيقي لاختفاء الشواطيء في جزيرة أشيل هو التغيرات المناخية، بس ده سبب مش مؤكد حسب كلام بعض علماء الجغرافيا، اللي بيؤكدوا على أن السبب الحقيقي هو الهيدروديناميكا والرواسب وحركة الرياح اللي بتتغير باستمرار.

ظاهرة غريبة

بغض النظر عن الأسباب الحقيقية للاختفاء بس الظاهرة غريبة فعلًا وتعتبر من عجائب الطبيعة في إيرلندا، فتخيل نفسك كدا انك في يوم وليلة مالقتش شاطيء المدينة اللي انت ساكن فيها وبعدين فاجأة لقيته رجع تاني.

شير