الفورمة

بعيدًا عن المظاهر شاهد شخصيات استثنائيه توجتهم ناشونال جيوجرافك

إسراء الطيب

الفورمة بقت الشغل الشاغل لغالبية الناس إزاي أعمل فورمة الساحل؟ إزاي أعمل فورمة شرم؟، ولا ازاي أعمل عضلات بطن؟، والتخين بقى يتصنف على إنه الشخص السلبي في حياة اللي حواليه، حتى لو تخنه ده نتيجة لمرض عنده، الأزمة إن الناس بقت تتجه للمظاهر وتنسى إن الحياة بنعيشها عشان ناخد خطوة فيها عشان نكون أحسن بالعقل مش الشكل.

ناشيونال جيوجرافك اختار السنة دي إنها تحتفل بناس معينة في العالم كله ناس قدرت تثبت إن المظاهر مش رقم واحد في اهتمامها وإن في حاجات تانية أهم من المظهر بس، لإنهم قدروا يتحدوا كل المشاكل والمعوقات اللي وقفت في طريقهم ويكونوا رقم واحد، ودول مجموعة منهم.

جيليان ويليامز

جيليان ويليامز بنت عادية عندها عشرين سنة فجاءة جالها نوع نادر جدا من السرطان في عضمها النوع ده خلاها مجبرة إنها تعمل عملية جراحية خطيرة نتيجة ليها هتكون واحدة من اللي المجتمع بيهرب منهم ويسميهم ذو الإعاقة، العملية خلتها تستغنى عن الجزء الأوسط في ساقها اليسرى، لكنها مرفضتش شكلها الجديد بل حبت نفسها أكتر وادركت إن الحياة لسه قدامها طويلة ودلوقت بتخطط وتسعى إنها تمثل منتخب أمريكا في الكرة الطايرة للمعوقين.

كاتي ميد

كاتي ميد هي أول من كسر قواعد عالم الجمال وصناعة الموضة في العالم كله، وكسرت التابوه اللي مرسوم إن البنت الحلوة لازم تكون سليمة تمامًا وميكونش فيها أي إصابة، وإن عارضين الأزياء بيعرضوا هدوم حلوة للناس السليمة بس كأن باقي الناس اللي عندها أي إعاقة مبتلبسش هدوم حلوة، إلا أن كاتي قدرت بقدرتها وعزيمتها إنها تكون أول عارضة أزياء على الإطلاق مصابة بمتلازمة دوان، وأصبحت أيضا سفيرة للأشخاص الذين يعانون من صعوبات التعلم
زوي لوش
زوي لوش طفلة حالتها استثنائية ومفيش زيها في العالم كله، هي بتعاني من حالة نادرة من المرض حيث أن عظامها هشة وحساسة جدًا، وقد كسرت زوي بعض عظامها عندما كانت ما تزال داخل الرحم، وهي تبلغ الآن 6 سنوات وقد كسرت تقريبا جميع العظام في جسمها، وقصتها بالفعل كانت تناول شبيه لها في السينما من قبل لكن حالتها أسوء بكثير مما عرضته السينما، ورغم كل ده بتصمم الطفلة الجميلة على الابتسام للجميع وتحلم بتوزيع الفرحة في قلوب العالم كله.
 
ليندساي هيلتون
ولدت ليندساي هيلتون دون أطراف وفضلت تعاني مع مشكلتها دي خلال كل مراحل حياتها لآن طبيعتها ولا هي قزم ولا هي شابة عادية، فقط دون أطراف فبات شكلها أقرب للأقزام وهي الان عندها 31 سنة، لكن فضلت عندها حلم ومن وهي لسه طفلة إنها تشارك في الألعاب الرياضية وإن رغم شكلها الغريب بالنسبة للناس إنها تثبت إنها قادرة تكون نجمة رياضية وبطلة في اللياقة البدنية وده عملته فعلا في رفع الأثقال والتزلج والسباحة.
شير