Studio

جارك على ما تعوده 5 خطوات هتخليكوا أكتر من الأخوات !

إسراء الطيب 

أول حاجة بتيجي في بالك لما تفكر في الشقة اللي هتجوز فيها بعد ما فلوسها والجميعات اللي بتعملها عشان تكمل المقدم بتاعها، بيجي المكان نفسه فين، والناس اللي هتبقى ساكنة معاك وتعاملتهم أي وأنك هتبعد عن أهلك وكمان مراتك هتبقى لوحدها في البيت لازم تكون مطمن عليها ولو حصلها حاجة تلاقي اللي يساعدها.

وعشان تقدر تختار الجار اللي تأمنه على بيتك ويكون جزء من أهلك لازم تعرف خمس خطوات مهمين عشان تقدر تكون مطمن.

تهادوا تحبوا

أبدأ الود بين اللي تحس إنه كويس من الجيران بتبادل الهدايا أطباق الحلويات وهكذا ودي مهمة الزوجات بقى، كلمة في التانية وبيبان كل واحد معدنه أي.

زيارات

من وقت للتاني اعزموهم على الغدا، عشا، عيد ميلاد، خطوبة، لو في حالة مرضية أو أزمة وغيره.

بلاش تطفل

في فرق أنك عايز تقرب منهم وأنكم تطفلوا على حياتهم، لازم تظبطوا الاتنين عشان لو قلبت تطفل مش هيبقى في ود وهيبعدوا عنكم

الحدود والمحبة

لازم تعرف جارك كويس إن في فرق بين إنك عايزة زي الإخوات وإنه يتدخل في حياتك، لازم يكون عارف حدوده كويس عشان تستريح وهو يستريح

السند

خليك سند لجارك في أي وقت يعدي بيه بأزمة عرفه أنك فعلا بقيت من عيلته ويهمك أمره، عشان تلاقي منه نفس المعاملة وقت ما تحتاجه.

شير