تكنولوجيا

جديد بالنسبة لك قديم بالنسبة لجوجل

جديد بالنسبة لك قديم بالنسبة لجوجل
من كتر التطبيقات اللي بتعملها جوجل علشان تفيد الناس في تطبيقات كتير ماحدش يعرف عنها حاجة.

جوجل من اكتر شركات التكنولوجيا ابتكارا في العالم واللي بتقدملنا كل يوم حاجة جديدة في مجال التكنولوجيا والتطبيقات ومن كتر التطبيقات اللي بتقدمهالنا جوجل كل فترة علشان تسهلنا حياتنا وتعاملاتنا في تطبيقات احنا مانعرفش عنها حاجة علشان كده جيبنالكوا مجموعة من التطبيقات اللي ابتكرتها جوجل واللي كتير مننا مايعرفوهاش.

 

 Google Scholar

خدمة البحث في كل المجالات العلمية واللي بيخليك تطلع على كل جديد بصفة يومية , يعني كل يوم ممكن تدخل على الخدمة دي وتتعرف على كل حاجة قدمها ولسه هيقدمها العلماء في كل المجالات حول العالم.

google-scholar
 

 Google keep

خدمة جميلة جدا من جوجل من خلالها ممكن تحفظ كل الحاجات اللي بتبحث عنها وممكن تعمل قوائم بحث ومش بس كده ممكن ترتبها كمان وممكن تلون قوائم البحث الاكثر اهمية بالنسبة لك علشان تميزها عن غيرها.

keep
 

 Google inbox

احدث الاضافات لخدمة ال G-Mail واللي من خلالها بتظهرلك اهم الرسايل الموجودة في صندوق البريد من غير ماتضطر انك تفتح الرسالة وكمان الخدمة دي هاتنظملك كل حاجة في الميل بتاعك وهاتخليك تتصفح الميل بشكل اسهل واسرع وممكن تاخد دعوة علشان تجرب الخدمة دي عن طريق ارسال رسالة للايميل ده : inbox@google.com

inbox
 

 Trendalyzer

وبيقولوا عليها كمان “Gapminder” وبتساعدك الخدمة دي انك تحرك وتنسق الاحصائيات الخاصة بيك او بشركتك بشكل متناسق وكمان توصلها بمحتوي او كلام معين, والطريقة دي جميلة جدا لعرض كل ارقامك وكمان بتساعدك انك تقدم عروض تقديمية بشكل ممتاز.

Trendalyzer
 

 Google Correlate

بتقدملك الخدمة دي صورة شبه واقعية لكل حاجة بتدور عليها اثناء بحثك في محركات البحث وكمان بتربطلك البيانات دي بعالم الواقع.

correlate
 

 Google goggles

ممكن من خلال التطبيق ده تبحث باي حاجة مش شرط تبحث بالكلمات يعني ممكن تبحث بالصور او بصفحة كتاب.

googles
 

 Google classroom

الخدمة دي مخصصة للي شغالين في التدريس وبتوفر لهم عدد كبير من الملاحظات والمعلومات حول التدريس والتعليم كمان بيتيح ليهم التطبيق امكانية متابعة الطلاب ووضع تقييمات اولية ليهم.

classroom
 

 Google art project

الخدمة دي انطلقت عن طريق تعاون جوجل مع المؤسسات الفنية في جميع انحاء العالم علشان تدي الناس فرصة علشان يشوفوا اللوحات الفنية المعروضة في كل انحاء العالم وهما قاعدين في بيوتهم.

art-project
 
شير