قاعدتنا

حاجات ابعد عنها في أي قعدة

في حاجات كتير بتبوظ أي قعدة اصحاب، فلازم تبعد عنها في أي لمة أو قعدة مع اصحابك ، علشان القعدة ماتبقاش رخمة وتبقى سبب في أن الناس كلها تبعد عنها .

الموبايل

ما تحاولش تشغل نفسك بالموبايل وانت قاعد مع اصحابك علشان ماتكرهمش في القعدة معاك، انسى الموبايل خالص وركز معاهم .

عدم التركيز

حاول تبقى مركز مع اصحابك وماتشغلش بالك بأي مشكلة حصلتلك أو تفكر في أي حاجة تانية، لان عدم التركيز بيخلي القعدة مالهاش طعم .

الكآبة

ماتحاولش تفتكر أي موقف بايخ حصلك قبل كدا، وماتبقاش كئيب وسط اصحابك لأنهم هيهربوا منك ساعتها.

التهور

حاول ماتبقاش متهور مع اصحابك في أي قعدة علشان مايحصلش مشاكل فيها .

الرخامة

ابعد عن الغلاسة والرخامة مع اصحابك في أي موقف علشان مايهربوش منك ويكرهوا يقعدوا معاك.

شير