الكراش للرجال فقط

حاجات تقفل أي بنت منك متفكرش تعملها

إسراء الطيب

في بداية أي ارتباط الطرفين بيكونوا مركزين مع تصرفات بعض لكن البنت التركيز عندها بيكون زيادة حبتين، يعني من الاخر بتحطك تحت الميكرسكوب حتى نظرة عينك وأنتو ماشيين مع بعض في الشارع أو نظرتك ليها، نظرتك للبنات اللي كانوا بيعدوا قدامكم الشارع كل ده ليه 100 تفسير عندها وبتعرف شخصيتك أحسن من أي مدرب لغة جسد، خلينا نشوف أي أكتر حاجات متفكرش تعملها لآنها هتنهي علاقتكم من قبل ما تبدأ

تسيبها تدفع فلوس
وهي معاك في أي مشوار مواصلات أكل في الجامعة بالذات لو في أول ارتباطكم لأنك بتكون تحت ميكرسكوب يا برنس، وده هيعرفها إنك بخيل، بعد كده هي لوحدها هتشاركك وممكن تقولك أن أعزمك مرة وأنت مرة وكده، بس بلاش البخل ولا في أول الارتباط ولا بعدين.

لو بتتشموا في الشارع
منصحكش تخليها هي ناحية العربيات ببساطة هتشوفك واحد مبيهموش غير نفسه وبس، ومش فارقة معاك تتخبط وأنها مش مهمة عندك أصلا.

بلاش أوبن مايند زيادة
منصحكش بجو الاون مايند اللي هو لو حد عاكسها عايزة تحس أن اللي معاها راجل يدافع عنها وفي نفس الوقت ميكونش متهور وهو معاها بالذات ويعرف يعلم على اللي قدامه بالكلام قبل مد الايد من الاخر خليك ذكي.

أنت مش داخل سبق

متمشيش تمد وتخليها هي ماشية زي اللي بيجري وراك او انك داخل سبق

متحاولش تركز بزيادة مع اللبس
لو لقيتك مركز مع شكلها أكتر من عقلها هتعتبرك تافه وبتاع مظاهر وأن دماغك مفهاش غير الشكل بس وممكن تقطع علاقتها بيك بعد الخروجة دي وده مش معناه إنها تجيلك لابسه وحش أو أنت تروح مش نضيف، نضافتك الشخصية مهمين جدا عندها زي بالظبط كله الا الراجل المعفن عند الست دي بتركز جزمتك متلمعة ولا لا.

متحاولش تمسك إيدها
خليك ناصح وتقيل، لو لقتك مدلوق بزيادة وعايزة تمسك ايدها هتفهم عنك إنك حد عايز يقضي وقت ويلعب بيها وهي مش ناقصة نكد في حياتها تحب وبعدين يقولها شكرا، لو من الأول مش داخل معاها دايركت ومعجب بيها فعلا يبقى بلاش عشان متشوفش فيلم دراما كوين وتدمر حياة بنت وخلاص.

شير