الكراش للرجال فقط

حاجات لازم تعملها مع مراتك لو أنت مسافر بره مصر

إسراء الطيب 

البعد مش سهل ولا عمره كان سهل، مجرد ما فكرة السفر والغربة بتدخل أي بيت بتكون مش عارفين يتبسطوا عشان الأحوال هتتعدل ولا البيت هيتقسم نصين وعقل الزوج بره وقلبه مع زوجته وأولاده، الموضوع بيقى عامل زي اللي بيحاول يفصل روحك عن جسمك، لكن الموضوع ممكن يكون أهون شوية خلال فترة السفر لو حاول الزوج أنه يعمل شوية حجات كده لمراته زي اي؟

بداية متحسسهاش إنك مسافر 

حاول تحسسها إن صوتك وروحك لسه معاها في البيت وحركاتك وكلامك يعني حاول تعمل نفس الروتين اليومي اللي كنت بتعمله وأنت في مصر لو كنت بتصحى قبلها وتصحيها، حاول برضو تصحيها في معادها وانت هناك سواء بالتليفون أو مكالمة ماسنجر.

اهتم بتفاصيل يومها

متقعش في نقطة غنك تهمشها أو تحسسها إنها بقت بره حياتك بالعكس حسسها إنها عايشة معاكم وأنت عايش كل تفاصيل يومها خليها تحكيلك عملت اي والولاد عاملين اي، بس خ بالك أن في شعره بتفرق بين اللي بيتصل يطمن واللي بيتصل شاكك في مراته أنها بتخونه، خلي كلامك تحس في كلمة منه قد أي أنت بتحبها وروحك مشتاقة لبيتك.

 

فرصتك ترجع لأيام الخطوبة

فاكر أيام المغازلات والحب والتلفونات والدلع أعمل كل ده خليها تحس إنها رجعت تاني تحب من جديد وخلي الفترة دي تكون فرصة تجددوا بيها حبكم لبعض ووتستناك بلهفة وحب من اجازة للتانية.

 

اطمن على احتياجاتها أول بأول

أسأله بحب ناقصك حاجة نفسك في حاجة، قسم  مرتبك ما بين جزء تحوشه في البنك وجزء لمصاريفك وجزء تبعتهالها مصاريف البيت ومعاه جزء لمصاريفها وقولها اتبسطي على قد ما تقدري.

فاجئها 

حاول تشوف حد نازل مثلا تبعت معاه هدية حلوة اوي ليها، أو حاجة كانت منزلاها  على الفيسبوك المفاجأت بتفرق مع الستات فوق ما تتخيل ولما تكون حاجة كانت منزلاها يبقى كمان هتفهم قد أي أنت مهتم بيها.

استغل السوشيال ميديا

السوشيال ميديا سهل حاجات كتير في حياتنا  حاول تقدي مثلا ساعة كل يوم تتكلموا وتشوفوا بعض تطمن عليك وعلى صحتك واكلك وشربك ومشاكلك شاركوا بعض تفاصيل يومكم الساعة دي هتفرق جدًا، ومن وقت للتاني ابعتلها صورك من الشغل والأماكن اللي بتروحها وعبر لها قد أي نفسك تكون معاها في كل مكان.

 

شير