الجواز الحياة

حاجات مايعملهاش غير الراجل اللي بيحب مراته

حاجات مايعملهاش غير الراجل اللي بيحب مراته

أي علاقة بين راجل وست متجوزين بتبقى قايمة على الحب والمشاعر مع شوية عِشرة ورغم ان حب قبل الجواز بيبقى مختلف عن حب بعد الجوازن بس بيفرق كتير لوا انت كنت بتحب مراتك قبل الجواز، ده أكيد بيبان في علاقتكم مع بعض، بيقويها وبيخليها مش زي أي علاقة زوجية تانية، بيبان كمان في تصرفاتك معاها وفي طريقة تعاملك معاها.

لو بتعمل أي حاجة علشانها

لازم تخليها تشعر دايمًا انك على استعداد تعمل أي حاجة علشانها، وعلشان تخليها مبسوطة، وعلشان تشوف الابتسامة في وشها كل ما سنحت ليكم فرصة، الحاجة دي هتفرق معاها جدًا .

انك تكون قائد ليها

لازم تحسسها بالأمان لازم تكون قائد ليها في كل حاجة فلو انت بتحبها شكل مثالي لازم تكون داعم ليها وللقرارت اللي بتاخدها في حياتك لازم تكون مرشد ليها وتوجهها للحاجة الصح.

حاول دايمًا تسمع ليها 

لازم تحاول تستمع ليها ولمشاكلها حتى ولو كانت مشاكل تافهة وبسيطة وماتحاولش تهملها أو تحسسها انك مش مهتم بيها ، لازمتكون واقف جنبها في اي مشكلة تحصلها سواء كان في شغلها أو في دراستها أو في اي حاجة تاني.

حاول تحسسها بشخصيتها 

لازم تسمع لرايها حسسها دايمًا أن ليها شخصية، فحاول تسمع ليها في اي حاجة تخص حياتكم، وماتحسسهاش أنك ديكتاتور في القرارات اللي بتاخدها،معروف ان القرار الأول والأخير هيبقى ليك بس ده ما يمنعش أنك تسمع شوية لرأيها.

شير