الكراش للرجال فقط

حاجات هتأكدلك انك في علاقة مؤذية

المشاكل من الحاجات الطبيعية اللي بتحصل في كل علاقة عاطفية وزوجية، وما بتبقاش مقياس للعلاقة ومابتدلش لى اي حاجة تعيسة أو مش سعيدة ومش معنى انك سعيد في حياتك انك ما قبالتش أي مشاكل لازم يكون في مشاكل ده الطبيعي في أي حياة زوجية، بس لازم تعرف انك لو بتقعد ساعات كتير في مشاكل وطول الوقت حاسس انك مخنوق ومش طايق شريك حياتك، وحاسس أن مافيش اي مؤشر إيجابي علشان علاقتهم تنمو بشكل كويس كدا يبقى فيه مشكلة لازم تحلها.

التشجيع 

لو الشخص اللي قدامك ما بيحاولش يشجعك انك تكون أحسن وما بيوقفش جنبك ابدًا ودايمًا بتتعامل معاك بنظرة فوقية واستعلاء وما بيحاولش يخليك تطور من نفسك أكيد دي علاقة مش سليمة أبدًا.

العدائية 

لما يكون اللي قدامك بيتعامل معاك بطريقة عدائية ومش لطيفة فلو حياتكم مبنية على التوتر ومافيش أمان موجود مابينكم ودايمًا في تهكم ومشاكل وعداء يبقى العلاقة مؤذية ومش هتكمل لأنها مش سليمة ومش مبنية على اساس سليم .

الهروب 

لما يكون اللي قدامك دايمًا بيتجنبك على طول ودايمًا بيحاول يهرب منك، فلو حسيت انه بيرفضك يبقى في حاجة في علاقتكم مش سليمة وأكيد هتاثر عليك بشكل سلبي .

إخفاء العلاقة 

لما تحس بالخجل في علاقكتكم ولما تكون مش عايز تعرف حد من أهلك ومعارفك عليه وعن العلاقة اللي بينكم يبقى لازم تعيد النظر في الموضوع لأنه أكيد الشخص ده اختياره كان غلط من البداية .

ألفاظ بذيئة 

لما النقاش ما بينكم يتحول لمناقشة غير مهذبة، لما المشاكل تكون كبيرة ولما تتحول لأذى نفسي أكيد في حاجة غلط في العلاقة اللي ما بينكم، اساس العلاقة الناجحة هو الاحترام المتبادل اللي بيبقى بين الطرفين.

شير